रातांबी येथे तरुणाची आत्महत्या

देवरुख : संगमेश्वर तालुक्यातील रातांबी येथील संतोष

वसंत पाटोळे (२८) या तरुणाने गळफास घेऊन आत्महत्या केल्याची घटना

शनिवारी (२७ मार्च) सकाळी घडली.

याबाबतची फिर्याद

राजाराम गोविंद पाटोळे यांनी संगमेश्वर पोलीस स्थानकात दिली आहे. संतोष याने गडनदी पात्रातील

पुलाजवळ नायलॉन दोरीने गळफास घेऊन आत्महत्या केली आहे. याठिकाणी पाणवठा

असून, ग्रामस्थ पाणी भरण्यासाठी येथे जातात. शनिवारी नेहमीप्रमाणे ग्रामस्थ

पाणी भरण्यासाठी गेले असता संतोष हा गळफास घेतलेल्या स्थितीत आढळला.

याची माहिती राजाराम पाटोळे यांनी दिल्यानंतर संगमेश्वर पोलीस स्थानकाचे

पोलीस निरीक्षक उदय झावरे, पी. पी. मसुरकर, संतोष झापडेकर, एस. एस. तेरवणकर आदिंनी घटनास्थळी जाऊन पंचनामा केला. संगमेश्वर ग्रामीण रुग्णालयात

शवविच्छेदन करून मृतदेह नातेवाईकांच्या ताब्यात देण्यात आला. याचा अधिक तपास

हेडकॉन्स्टेबल राजेंद्र जाधव करीत आहेत. संतोष याने नैराश्यातून आत्महत्या

केल्याचा प्राथमिक अंदाज पोलिसांनी वर्तविला आहे.