रत्नागिरी : राज्यातील नगर परिषदा, नगर पंचायतींच्या सार्वत्रिक निवडणुकांसाठी येत्या २ डिसेंबर रोजी मतदान होणार आहे. या निवडणुकीच्या प्रचाराची मुदत राज्य निवडणूक आयोगाच्या नियमाप्रमाणे ३० नोव्हेंबर राेजी रात्री १२ वाजेपर्यंत होती. मात्र, आता राज्य निवडणूक आयाेगाने प्रचाराची मुदत एक दिवसाने वाढवली असून, उमेदवारांना १ डिसेंबर रोजी (मतदानाच्या आदल्या दिवशी) रात्री १० वाजेपर्यंत प्रचार करता येणार आहे.निवडणूक आचारसंहितेच्या तरतुदीनुसार कोणत्याही निवडणुकीसाठी मतदान सुरू होण्याच्या दिनांकानुसार २४ तास अगोदर सर्वच राजकीय पक्षांच्या उमेदवारांना प्रचार बंद करावा लागतो. नगर परिषदांच्या सार्वत्रिक निवडणुकीसाठी मंगळवार, दि. २ डिसेंबर रोजी मतदान होणार आहे. तया अनुषंगाने रविवार, दि. ३० नोव्हेंबर रोजी मध्यरात्री १२ वाजल्यानंतर प्रचार बंद करावा लागणार होता.मात्र, राज्य निवडणूक आयोगाने या निवडणुकीत प्रचारासाठी एक दिवस वाढवून दिला आहे. सुधारित आदेशानुसार सर्व उमेदवारांना मतदानाच्या आधी २४ तास प्रचार थांबविण्याऐवजी आदल्या दिवशी म्हणजेच १ डिसेंबर रोजी रात्री १० वाजेपर्यंत प्रचार करता येणार आहे. त्यानंतर मात्र, सभा, मोर्चे, ध्वनिक्षेपकाचा वापर कुठल्याही उमेदवाराला करता येणार नाही. तसेच निवडणूक प्रचाराशी संबंधित जाहिरात प्रसिद्धीही करता येणार नाही.राज्य निवडणूक आयोगाने प्रचारासाठी आणखी एक दिवस वाढवून दिल्याने सर्वच पक्षांच्या उमेदवारांना प्रचारासाठी अधिक कालावधी मिळणार आहे. त्यामुळे सध्या मिळेल तेवढा वेळ प्रचार करण्याकडे सर्वच पक्षांच्या उमेदवारांचे आणि कार्यकर्त्यांचे अधिक लक्ष लागून राहिले आहे.
Web Summary : Ratnagiri candidates get extra campaign time. Election commission extends deadline to December 1st, 10 PM. Candidates gain precious hours for final outreach.
Web Summary : रत्नागिरी के उम्मीदवारों को प्रचार के लिए अतिरिक्त समय मिला। चुनाव आयोग ने समय सीमा 1 दिसंबर, रात 10 बजे तक बढ़ाई। उम्मीदवारों को अंतिम आउटरीच के लिए बहुमूल्य घंटे मिले।