‘कोकणसाठी स्वतंत्र ‘एक्स्प्रेस वे’चा प्रस्ताव’; खासदार सुनील तटकरेंची माहिती

या समितीचे प्रमुख म्हणून मुख्यमंत्री काम करतात. शिवाय उपमुख्यमंत्री तथा अर्थमंत्री यांचाही यात समावेश आहे.

चिपळूण (जि.रत्नागिरी) : कोकणात पनवेल ते सावंतवाडी दरम्यान राष्ट्रीय महामार्ग व सागरी महामार्ग असताना आणखी स्वतंत्र ‘एक्स्प्रेस वे’ उभारला जाणार आहे. त्याला राज्य सरकारने तत्वत: मान्यता दिली असल्याची माहिती खासदार सुनील तटकरे यांनी येथे पत्रकार परिषदेत दिली.

चिपळूण दौऱ्यावर आलेल्या तटकरे यांनी सांगितले, मुंबई - गोवा महामार्ग चौपदरीकरण व सागरी महामार्गाचे काम पूर्ण केले जाणारच आहे. त्याव्यतिरिक्त स्वतंत्र ‘एक्स्प्रेस वे’चा प्रस्ताव राज्य सरकारने तयार केला आहे. या प्रस्तावाला सरकारने तत्वत: मान्यता दिली असून, त्याचा पाठपुरावा मंत्रिमंडळाची पायाभूत समिती करत आहे. या समितीचे प्रमुख म्हणून मुख्यमंत्री काम करतात. शिवाय उपमुख्यमंत्री तथा अर्थमंत्री यांचाही यात समावेश आहे.