राष्ट्रवादी काॅंग्रेसचे रास्ता राेकाे आंदाेलन स्थगित

लांजा : मुंबई - गोवा महामार्ग चौपदरीकरणाचे काम धिम्यागतीने होत असल्याने काढण्यात आलेल्या पर्यायी मार्गावर पावसाळ्यात मोठमोठे खड्डे पडल्याने राष्ट्रवादी काँग्रेसतर्फे मंगळवार, दि. ६ जुलै रोजी करण्यात येणारे रास्ता रोको आंदाेलन स्थगित करण्यात आले आहे.

मुंबई - गोवा महामार्गाच्या चौपदरीकरणाचे कामात वाकेड ते मठ या मार्गावर खड्डेच खड्डे पडले आहेत. हे खड्डे भरण्यासाठी राष्ट्रवादी काँग्रेसने मंगळवार, दि. ६ जुलै रोजी रास्ता रोको करण्याचा इशारा दिला होता. राष्ट्रीय महामार्गाचे उपविभागीय अभियंता मिलिंद मडकईकर यांनी शनिवारी लांजा येथील राष्ट्रवादी काँग्रेसच्या पदाधिकाऱ्यांची भेट घेऊन महामार्गावरील व लांजा शहरातील रस्त्याचे काम हे तीन महिन्यांत पूर्ण करण्यात येणार आहे, असे आश्वासन दिले. यावेळी खजिनदार संजय खानविलकर, युवक तालुकाध्यक्ष बाबा धावणे, युवक शहरध्यक्ष दीपक शेट्ये, दाजी गडहिरे उपस्थित होते.