राष्ट्रवादी काॅंग्रेसने केला रत्नागिरीतील डाॅक्टरांचा सन्मान

रत्नागिरी : डॉक्टर्स दिनाचे औचित्य साधून राष्ट्रवादी काॅंग्रेस पक्षातर्फे रत्नागिरी शहरातील डाॅक्टरांचा सत्कार करण्यात आला. शहरातील शासकीय व खासगी डाॅक्टरांची भेट घेऊन त्यांच्या सेवेबद्दल राष्ट्रवादी काॅंग्रेसतर्फे कृतज्ञता व्यक्त करण्यात आली.

गेले दीड वर्ष जगात कोरोनाने थैमान घातलेले असून, अनेक रुग्ण मृत्यूमुखी पडत असताना, स्वतःच्या जीवाची पर्वा न करता जगातील अनेक डॉक्टर्स या रुग्णांची सेवा करून रुग्णांना बरे करायचा प्रयत्न करत आहेत. या काळात डॉक्टरांवर अनेक प्रकारचे ताण असतात. याही परिस्थितीत आपला सेवाधर्म जाणून अनेक डॉक्टर्स सेवा देत आहेत. त्यांच्या कार्याची दखल घेऊन त्यांच्या सेवेबद्दल कृतज्ञता व्यक्त करण्यासाठी या उपक्रमाचे आयाेजन केले हाेते.

रत्नागिरीतील शासकीय रुग्णालयाच्या जिल्हा शल्य चिकित्सक डॉ. संघमित्रा फुले - गावडे, महिला कोविड रुग्णालय सांभाळणारे डॉ. विकास कुमरे, स्वस्तिक हाॅस्पिटलचे रमेश चव्हाण, सुनीता चव्हाण, डाॅ. अलिमियाॅं परकार, डॉ. मतीन परकार यांच्यासह अन्य डाॅक्टरांचा सन्मान करण्यात आला. राष्ट्रवादी काॅंग्रेस डॉक्टर्स सेलचे अध्यक्ष डॉ. सुर्वे यांच्या हस्ते पुष्पगुच्छ व रोपटे देऊन डाॅक्टरांचा सत्कार करण्यात आला.

यावेळी राष्ट्रवादी काॅंग्रेसचे ज्येष्ठ नेते कुमार शेट्ये, जिल्हा सरचिटणीस सचिन कोतवडेकर, शहराध्यक्ष नीलेश भोसले, युवक चिटणीस बंटी वणजू, उपाध्यक्ष सनीफ गवाणकर, सरचिटणीस रणजित शिर्के, यशवंत डोर्लेकर, पप्पू तोडणकर, पावस विभाग अध्यक्ष सज्जन लाड, विद्यार्थी तालुकाध्यक्ष सुरज शेट्ये, शहराध्यक्ष साई शिवलकर, समीर भोसले, चिटणीस प्रथमेश कांबळे, सौरभ वायंगणकर, अक्षय मजगावकर, प्रल्हाद शिंदे, संतोष पाटोळे उपस्थित होते.

--------------------------

डाॅक्टर्स दिनाचे औचित्य साधून राष्ट्रवादी काॅंग्रेसतर्फे जिल्हा शल्य चिकित्सक डाॅ. संघमित्रा फुले - गावडे यांचा सत्कार करण्यात आला. यावेळी पक्षाचे पदाधिकारी उपस्थित हाेते.