रत्नागिरी : महावितरणच्या ग्राहकांकडून वीजबिल भरले जात नसल्याने थकबाकीची रक्कम वाढत चालली आहे. जिल्ह्यातील एक लाख पाच हजार ३९३ ग्राहकांकडे २३ कोटी ८८ लाखांची थकबाकी आहे. ही थकबाकी वेळेत वसूल न झाल्यास महावितरणच्या निकषानुसार ग्राहकांना भारनियमनाचे चटके साेसावे लागण्याची शक्यता आहे.जिल्ह्यात सर्वाधिक थकबाकी पथदीप ग्राहकांची आहे. पथदीपची १,६९० स्थानिक स्वराज्य संस्थाकडे ६ कोटी ८६ लाख रुपये थकबाकी आहे. थकबाकी भरण्यासाठी स्थानिक स्वराज्य संस्थांकडेही पाठपुरावा सुरू आहे. त्यापाठोपाठ ८२,३४५ घरगुती ग्राहकांकडे ६ कोटी ५० लाखांची थकबाकी आहे. वाणिज्यिक, कृषी, सार्वजनिक पाणीपुरवठा, औद्योगिक ग्राहकांकडेही कोट्यवधींची थकबाकी आहे.
महावितरणकडून फिडरनिहाय भारनियमन केले जाते. ज्या फिडरवर थकबाकीचे प्रमाण अधिक, विजेची चोरी, वीज गळती या निकषांच्या आधारे भारनियमन करण्यात येते. सध्या जिल्ह्यातही वीजचोरी, आकडा टाकण्याचे प्रकार वाढले आहेत. तसेच वीजबिल न भरण्याची मानसिकता वाढत आहे. त्यामुळे भविष्यात रत्नागिरी जिल्ह्यातही वर्गवारीनुसार भारनियमनाचे चटके साेसावे लागण्याची शक्यता आहे.
वीजबिल वेळेवर न भरल्यामुळे थकबाकी वाढली आहे. आर्थिक वर्ष समाप्ती आहे. त्यामुळे ग्राहकांनी वापरलेल्या विजेची बिले वेळेवर भरून महावितरणला सहकार्य करावे. अन्यथा वसुली पथकाला कारवाई करणे भाग पडेल. कारवाई टाळण्यासाठी ऑनलाइन किंवा ऑफलाइन यापैकी सोयिस्कर पर्यायाचा अवलंब करावा. - स्वप्नील काटकर, अधीक्षक अभियंता, रत्नागिरी
घरगुतीग्राहक : ८२,३४५थकबाकी : ६ कोटी ५० लाख
वाणिज्यिकग्राहक ८२७६थकबाकी - २ कोटी ४४ लाख
औद्योगिकग्राहक : ७९६थकबाकी एक कोटी ८ लाख
कृषी पंपग्राहक : ८४३२थकबाकी २ कोटी ८५ लाख
पथदीपग्राहक : १६९०थकबाकी ६ कोटी ८६
सार्वजनिक पाणीपुरवठाग्राहक ११७५थकबाकी २ कोटी ५५- एकूण ग्राहक १,०५,३९३थकबाकी २३ कोटी ८८
चिपळूण विभागग्राहक २७,१७७थकबाकी ५ कोटी ४० लाख
खेड विभागग्राहक २९,८६०थकबाकी ७ कोटी २१ लाख
रत्नागिरी विभागग्राहक ४८,३५६थकबाकी २३ कोटी ८८ लाख