कादवड येथे विकासकामांचे भूमिपूजन

चिपळूण तालुक्यातील दसपटी विभागातील मौजे कादवड येथील विविध विकासकामांचे भूमिपूजन करण्यात आले. यावेळी अनिरुद्ध निकम, स्वप्नील शिंदे, जागृती शिंदे, दिनेश शिंदे यांच्यासह ग्रामस्थ उपस्थित होते.

लाेकमत न्यूज नेटवर्क

अडरे : चिपळूण तालुक्यामधील (दसपटी विभाग) मौजे कादवड येथील अनेक विकासकामांचे भूमिपूजन अनिरुद्ध निकम यांच्या हस्ते करण्यात आले. गेली अनेक वर्षे कादवड गावातील रस्त्यांची दुरवस्था झाल्याने ग्रामस्थांची फार अडचण होत होती. मात्र, भूमिपूजन झाल्याने ग्रामस्थांनी समाधान व्यक्त केले.

आमदार शेखर निकम यांच्या माध्यमातून व चिपळूण तालुका युवक अध्यक्ष स्वप्नील शिंदे यांच्या पाठपुराव्यामुळे ही कामे मार्गी लागली आहेत. कादवड देऊळवाडी ते कादवड स्मशानभूमी रस्ता, कादवड रामवाडी ते नांदिवसे मुख्य रस्ता, कादवड कोंडवळेअंतर्गत रस्ता डांबरीकरण करणे, अशा विविध विकासकामांचे भूमिपूजन करण्यात आले. यावेळी अनिरुद्ध निकम, युवक तालुका अध्यक्ष स्वप्नील शिंदे, महिला अध्यक्षा जागृती शिंदे, दसपटी अध्यक्ष दिनेश शिंदे, विद्यार्थी तालुका अध्यक्ष वात्सल्य शिंदे, युवक चिटणीस राहुल शिंदे, जयंत शिंदे, आमदार शेखर निकम यांचे स्वीय सहाय्यक रुपेश इंगावले, माजी पोलीसपाटील सतीश शिंदे, अनंत शिंदे, रोहित शिंदे, अभिजीत मोहिते, ग्रामपंचायत सदस्य सबा चौगुले, राजाराम गांजेकर, शाहुराव शिंदे, अभिजीत मोहिते, कुंदन शिंदे, गणपत शिंदे, चंद्रकांत शिंदे, प्रगती शिंदे, यश शिंदे, सचिन शिंदे, सुधीर सुतार, शुभ्रा पालांडे उपस्थित होते.