मेष- धनलाभ होण्याची शक्यता आहे. जवळच्या लोकांच्या भेटीगाठी होतील. आवडत्या छंदासाठी वेळ काढा. आपले राहणीमान सुधारण्यासाठी प्रयत्न करा. त्याचा निश्चितच फायदा होईल. बरेच दिवसांपासून वाट पाहत असलेली सुसंधी मिळेल. मन प्रसन्न राहील.
वृषभ - जीवनसाथी चांगली साथ देईल. जुन्या मित्रांच्या भेटीगाठी होतील. त्यामुळे आनंद मिळेल. आर्थिक आवक सामान्य राहील. आळस झटकून कामे करण्याची गरज आहे. सकारात्मक विचार राहतील असे पाहा. कुणी तुमचा गैरफायदा घेण्याचा प्रयत्न करेल.
मिथुन - अचानक धनलाभ होण्याची शक्यता आहे. एखादे लॉटरीचे तिकीट घेऊन पाहण्यास हरकत नाही. आर्थिक आवक चांगली राहील. प्रसिद्धी, मानसन्मान मिळेल. एखाद्या कार्यक्रमात सहभागी व्हाल. मित्रासमवेत वेळ मजेत जाईल. खचला आवर घातला पाहिजे.
कर्क- व्यवसायाच्या निमित्ताने प्रवास होतील, प्रवास कार्य साधक ठरतील. नोकरीत अनुकूल परिस्थिती राहील. तुमच्या शब्दाचा मान राखला जाईल. एखाद्या कार्यक्रमात सहभागी व्हाल. लोकांच्या भेटीगाठी होतील. आर्थिक आवक चांगली राहील. उसने दिलेले पैसे परत मिळतील.
सिंह - नोकरीत नवीन जबाबदारी अंगावर पडेल. त्यात तुमचा फायदा होईल. तुमच्या कामाची प्रशंसा होईल, नावलौकिकात भर पडणाऱ्या घटना घडतील. काहींना प्रवास करावा लागेल. चांगल्या बातम्या कानावर पडतील. मित्रांच्या भेटीगाठी होतील.
कन्या- धनलक्ष्मी तुमच्यावर प्रसन्न राहील. विविध प्रकारचे लाभ होतील. कामाचा झपाटा विलक्षण राहील. धार्मिक कार्यात सहभागी व्हाल. हातून दानधर्म घडेल. व्यवसायात बरकत राहील. नोकरीत अनुकूल परिस्थिती राहील, प्रलंबित प्रश्न सुटतील.
तूळ - वादविवाद टाळणे योग्य ठरेल. इतरांच्या भानगडीत पडू नका. महत्त्वाच्या कामात अडथळा येऊ शकतो. थोडे संयमाने वागणे आवश्यक आहे. नोकरीत कामाचा ताण वाढेल. घरात किरकोळ कारणावरून कुरबुर होईल. आर्थिक आवक चांगली राहील.
वृश्चिक - व्यवसायात सतत व्यस्त राहाल. चांगल्या घटना घडतील. नशिबाची साथ मिळेल. मदत मिळेल. सरकारी कामात यश मिळेल. आरोग्याची काळजी घ्या. अनावश्यक खर्चावर नियंत्रण ठेवणे आवश्यक आहे. जवळच्या नातेवाईकांच्या भेटीगाठी होतील.
धनू- नोकरीत तुमच्या मताला किंमत राहील. नवीन नोकरीच्या शोधात असाल तर संधी मिळेल, प्रगतीचा आलेख उंचावत राहील. तब्येतीकडे दुर्लक्ष करू नका. जमिनीच्या व्यवहारात फायदा होईल. धनलक्ष्मी तुमच्यावर प्रसन्न राहील, चांगली बातमी कानावर पडेल.
मकर- धनलाभाच्या दृष्टीने चांगला काळ आहे. हाती चांगला पैसा येईल. व्यवसायात विक्री चांगली होईल. महत्त्वाच्या कामात यश मिळेल. मित्रांच्या भेटीगाठी होतील. मनोरंजनाच्या कार्यक्रमात भाग घ्याल. कुणाचा अपमान होईल असे बोलू नका.
कुंभ- दगदग होईल अशी कामे करू नका. नोकरीत अनाहूत कामे अंगावर ओढवून घेऊ नका, एखादे काम कमी झाले तर चालेल पण ताण वाढवून घेतला तर चुका होतील आणि त्याचे खापर तुमच्यावर फुटेल. इतरांच्या भानगडीत पडू नका.
मीन- महत्त्वाच्या कामात सफलता मिळेल. लोकांची मदत मिळेल. मनात सकारात्मक विचार राहतील. तुमच्या कामाची प्रशंसा होईल. एखाद्या कार्यक्रमात सहभागी व्हाल. मित्र, नातेवाईकाच्या भेटीगाठी होतील. महत्त्वाचा पत्रव्यवहार होईल.
-विजय देशपांडे, ज्योतिष विशारद