राशीभविष्य - २८ जानेवारी २०२२: धनलाभाच्या दृष्टीने चांगला काळ; हाती मनासारखा पैसा येईल, पण... 

Horoscope : जाणून घ्या कसा असेल तुमचा आजचा दिवस...   

मेष- नोकरीत अनुकूल परिस्थिती राहील. मात्र कामाच्या निमित्ताने दगदग करावी लागेल. आरोग्याची काळजी घ्या. महत्त्वाचे काम पुढे ढकलणे ठीक राहील. जोडीदार आपल्याला सांभाळून घेईल. आर्थिक आवक चांगली राहील. महत्त्वाचे पत्रव्यवहार होतील. 

वृषभ- आर्थिक आवक चांगली राहील. विविध कामे मार्गी लागतील. जोडीदाराशी वादविवाद घालू नका. प्रत्येकवेळी आपलीच बाजू खरी असते असे नाही. आरोग्याकडे दुर्लक्ष करू नका. आराम करणे आवश्यक आहे. नोकरीत सहकाऱ्यांशी मतभेद होतील.

मिथुन- काहींना कामानिमित्त प्रवास घडून येतील. प्रवासात काळजी घ्या. जीवनसाथी चांगली साथ देईल. घरात किरकोळ कारणावरून गैरसमज होतील. व्यवसायात विक्री चांगली राहील. महत्त्वाचे काम पुढे ढकलणे योग्य ठरेल.  

कर्क- तब्येतीकडे दुर्लक्ष करू नका. वेळीच उपचार घेणे, पथ्य पाळणे आणि आराम करणे आवश्यक आहे. प्रवास शक्यतो टाळा. जीवनसाथीचे म्हणणे ऐकण्यातच हित राहील. मुलांच्या मनातील मायना समजून घ्या. नोकरीत ठिकठाक परिस्थिती राहील. 

सिंह- कामाचा ताण राहील. मात्र थोडे प्राधान्यक्रम ठरवून कामे करत राहिल्यास कामे आटोक्यात येतील. आरोग्याची काळजी घ्या. आराम करणे आवश्यक आहे. मुलांशी संवाद साधा. वरिष्ठांची मर्जी संपादन कराल.

कन्या- व्यवसायात विक्री चांगली होईल. आर्थिक गुंतवणूक करताना जाणकारांचा सल्ला घ्या. जोडीदार आपल्याला चांगली साथ देईल. प्रवासात दगदग, धावपळ होईल. नोकरीत मतभेदाचे प्रसंग येतील. थोडी संयमाने परिस्थिती हाताळली पाहिजे.  

तूळ- नोकरीत अनुकूल परिस्थिती राहील. तुमच्या कार्यपद्धतीची प्रशंसा केली जाईल. मनासारख्या घटना घडतील. आरोग्याची काळजी घ्या. आहाराचे तंत्र सांभाळा. आर्थिक आवक चांगली राहील. सार्वजनिक कार्यक्रमात सहभागी व्हाल. भेटीगाठी होतील.

वृश्चिक- महत्त्वाचे काम पूर्ण होईल. जमिनीच्या खरेदीसाठी प्रस्ताव समोर येतील. पैशाचा ओघ चांगला राहील. व्यवसायात विक्री चांगली होईल. जोडीदाराच्या विचाराचा आदर करा. मुलांचे हट्ट पुरवावे लागतील. गुप्तशत्रूंचा फारसा विचार करू नका. 

धनु- नोकरीत प्रगतीच्या दृष्टीने चांगला काळ आहे. महत्त्वाचे काम पुढे ढकलणे इष्ट ठरेल. प्रवासाचे नियोजन नीट करा. ऐनवेळी काही गोष्टींत बदल कराल. तर धावपळ करावी लागेल. आपल्या जवळचे कोण आणि परके कोण, हे ओळखा. त्यानुसार व्यवहार करा. 

मकर- धनलाभाच्या दृष्टीने चांगला काळ आहे. हाती मनासारखा पैसा येईल आणि तेवढ्याच प्रमाणात खर्चदेखील कराल. महागड्या वस्तू खरेदी कराल. प्रवास कार्य साधक ठरतील. जीवनसाथीचा सल्ला महत्त्वाचा ठरेल. उसने पैसे देताना विचार करून द्या. 

कुंभ- धावपळ दगदगीचा दिवस राहील. नोकरीत कामाचा ताण वाढेल. आर्थिक आवक चांगली राहील. योग्य सल्ला मिळेल. अनपेक्षित लाभ होतील. मालमत्तेच्या कामांना गती मिळेल. नातेवाईकांच्या भेटीगाठी होतील.

मीन- विविध मार्गांनी धनलाभ होईल. ग्रहमान अनुकूल राहील. नोकरीत तुमचे वर्चस्व राहील. तुमच्या शब्दाला किंमत राहील. अधिकारी वर्गाचे सहकार्य मिळेल. कोर्ट-कचेरीच्या कामाला सफलता मिळेल. प्रवासाचे योग येतील. मनावर संयम ठेवा.