मेष: तब्येतीकडे दुर्लक्ष करू नका. पचेल तेच खा. अन्यथा पोट खराब होऊ शकते. पैशांचा ओघ सुरू राहील. विविध मार्गांनी धनप्राप्ती होईल. सरकारी कामे मार्गी लागतील. नोकरीत आगेकूच सुरू राहील. शेती, घराचे व्यवहार करताना नीट माहिती घ्या.
वृषभ: नोकरीत अनुकूल परिस्थिती राहील. तुमच्या कार्यपद्धतीची प्रशंसा होईल. मान मिळेल. जोडीदार तुमच्या पाठीशी उभा राहील. मनाला आनंद मिळेल अशा घटना घडतील. कामे मार्गी लागतील. त्यासाठी लोकांचे सहकार्य मिळेल.
मिथुन: नोकरीत फारसे बदल होणार नाहीत. नेहमीच्या कामात उत्साह राहील. पूजापाठ करण्यासाठी वेळ द्याल. महत्त्वाचे काम पुढे ढकलणे ठीक राहील. अन्यथा मनस्ताप सहन करावा लागेल. खर्चाला आवर घातला पाहिजे. प्रवास शक्यतो टाळलेला बरे राहतील.
कर्क: लोकांच्या भेटीगाठी होतील. मात्र कुणाला स्वतःहून सल्ला देऊ नका. जोडीदार आपल्याला सांभाळून घेईल. प्रवास करावा लागेल. नोकरीत अनुकूल घटना घडतील. विविध प्रकारच्या सोयी-सुविधा मिळतील.
सिंह: अनेक कामे हातावेगळी कराल. तरीही कामाचा डोंगर वाढतच जाईल. त्यामुळे कामाचा ताण न घेता प्राधान्यक्रम ठरवून कामे करा. त्यामुळे आत्मविश्वास वाढेल आणि यशस्वी व्हाल. नवीन जबाबदारी अंगावर पडेल.
कन्या: मनावर दडपण कमी होईल. ग्रहमान अनुकूल राहील. मुत्सद्दीपणाने वागून आपण सफलता मिळवाल. प्रवास घडून येतील. लोकांच्या मनात काय आहे, हे लक्षात घेऊन सावधपणे वागणे आवश्यक आहे. बोलण्यावर संयम ठेवा. मुलांचे कौतुक होईल.
तूळ: घरात सदस्यांशी समन्वय राहील. व्यवहार सांभाळून करा. प्रवास शक्यतो टाळा. महत्त्वाचे काम पुढे ढकलणे ठीक राहील. आपले घोडे पुढे दामटता कधी कधी माघार घेण्यातही कमीपणा नसतो, तर मुत्सद्दीपणा असतो हे लक्षात घ्या.
वृश्चिक: नोकरीत प्रगतीला पूरक वातावरण राहील. कामे मार्गी लागतील. तुमचे महत्त्व वाढेल. जीवनसाथीशी वैचारिक मतभेद होतील. मात्र, आपण बोलण्यावर नियंत्रण ठेवणे आवश्यक. व्यवसायात भरभराट होईल. सतत कार्यमग्न राहाल.
धनु: आर्थिक आवक उत्तम राहील. विविध प्रकारचे लाभ होतील. भावंडांच्या भेटीगाठी होतील. गप्पाटप्पांचा फड रंगेल. काही लोकांशी असलेले जुने वाद संपुष्टात येतील. आवडते पदार्थ खाण्यास मिळतील. तब्येतीकडे मात्र दुर्लक्ष करू नका.
मकर: अनुकूल परिस्थिती राहील. मनाला आनंद मिळेल अशा घटना घडतील. जोडीदार आपल्याला चांगली साथ देईल. प्रवासाचे योग येतील. प्रवासात सामान व कागदपत्रे यांची काळजी घ्या. प्रवासाचे नीट नियोजन करा. एकंदरीत चांगला दिवस आहे.
कुंभ: नोकरीत कामाचा व्याप वाढेल. काही कामे करताना वैताग होईल. मात्र, इतरांचे सहकार्य मिळेल. थोडे गोडीगुलाबीने बोलून वेळ मारून न्या. महत्त्वाच्या प्रकल्पाला वेळ द्याला लागेल. प्रेम प्रकरणात मनस्ताप सोसावा लागेल.
मीन: व्यवसायात गुंतवणूक करताना जाणकारांचा सल्ला घ्या. मालमत्तेच्या कामात यश लागेल. पैशाचा ओघ चांगला राहील. व्यवसायात भरभराट होईल. कितीही झटलात तरी जवळचे नातेवाईक नाराज राहतील.
- विजय देशपांडे