मेष- जवळचा प्रवास करावा लागेल. अडचणी दूर होतील. भावंडांच्या भेटी होतील. व्यवसायात भरभराट होईल. मोठे निर्णय घेताना चलबिचल होईल. जीवनसाथीचा सल्ला उपयुक्त ठरेल. नोकरीत तुमचे वर्चस्व राहील. घरात किरकोळ कारणावरून कुरबुर होईल.
वृषभ- आर्थिक आवक चांगली राहील. जमिनीच्या व्यवहारात यश मिळेल. मात्र कागदपत्रे वाचून घ्या. खाण्या-पिण्याची मौज राहील. आवडते पदार्थ खाण्यास मिळतील. भाग्याची साथ राहील. जोडीदाराची मर्जी सांभाळा. कामाच्या ठिकाणी वाद टाळणे योग्य ठरेल.
मिथुन - मन प्रसन्न राहील. अडचणी दूर होतील. आनंददायक घटना घडेल. जीवनसाथीची चांगली साथ राहील. मधुर संबंध राहतील. काहींना मित्र-मैत्रिणी यांच्याकडून भेटवस्तू मिळतील. मुलांना घवघवीत यश मिळेल. त्यांचे कौतुक होईल. योग्य मार्गदर्शन करा.
कर्क - दूरचा प्रवास करावा लागेल. धार्मिक कार्यात मन रमेल. घरात किरकोळ कारणावरून कुरबुर होईल. मन अस्वस्थ राहील. जोडीदार तुम्हाला समजून घेईल. महत्त्वाच्या कामात अडथळा येऊ शकतो. थोडा संयम ठेवा, काम शक्य असेल तर पुढे ढकलणे ठीक राहील.
सिंह- आर्थिक आवक समाधानकारक राहील. भेटवस्तू मिळेल. चैनीच्या वस्तू खरेदी कराल. जीवन सुखकर होण्यासाठी प्रयत्न कराल. नोकरीत कामाचा ताण राहील. दगदग होईल. मुलांना घवघवीत यश मिळेल. आरोग्याकडे दुर्लक्ष करू नका.
कन्या- नोकरीत मनासारखी स्थिती राहील. कामाचा ताण कमी होईल. मात्र नवीन जबाबदारी मिळेल. काहींची बदली होऊ शकते. नवीन काम तुमच्या मर्जीनुसार राहील. मुलांना अपेक्षित संधी मिळेल. त्यांचा उत्कर्ष होईल. आरोग्याची काळजी घ्या.
तूळ- भाग्याची उत्तम साथ मिळेल. प्रवासकार्य साधक ठरतील. काहींना पर्यटनाच्या निमित्ताने प्रवास होईल. मित्रमंडळींचे सहकार्य मिळेल. समाजसेवा करण्यात आघाडीवर राहाल. व्यवसायात उत्कर्ष होईल. मालाची विक्री चांगली होईल. नोकरीत तुमचे वर्चस्व राहील.
वृश्चिक- अचानक धनलाभ होऊ शकतो. आवक उत्तम राहील. एखाद्या व्यवहारात फायदा होईल. नातेवाईकांच्या भेटी होतील. त्यांच्याशी संवाद राहील. महत्त्वाच्या कामात अडचणी येतील. प्रवास शक्यतो टाळा. जीवनसाथीशी वाद टाळणे योग्य राहील.
धनू- प्रेम-प्रकरणात यश मिळेल. भेटवस्तू देण्यास हरकत नाही. जीवनसाथीशी मधुर संबंध राहतील. विविध व्यवहारात यश मिळेल. आर्थिक आवक चांगली राहील. व्यवसायात गुंतवणूक जपून करा. महत्त्वाच्या कामातील अडचणी दूर होतील. त्यामुळे हायसे वाटेल.
मकर - खर्चाचे प्रमाण वाढेल. अनावश्यक खर्चाला आवर घातला पाहिजे. मालमत्तेच्या व्यवहारात सावधानता बाळगा. महत्त्वाच्या कामात दिरंगाई होऊ शकते. मात्र, त्यामुळे खूप मनस्ताप करून घेऊ नका. आरोग्याची काळजी घ्या. जीवनसाथीची काळजी घ्या.
कुंभ- विविध प्रकारचे लाभ होतील. धनलक्ष्मीची कृपा राहील. भेटवस्तू मिळेल. खर्चाचे प्रमाण वाढेल. अनावश्यक खर्च होईल. काहींना जवळपासच्या प्रवासाचा योग येईल. नोकरीत वादाचा प्रसंग येईल. मुलांना घवघवीत यश मिळेल.
मीन- नोकरीत मनासारख्या घटना घडतील. कामाचा ताण कमी होईल. पगारवाढ मिळण्याची शक्यता आहे. सोयी-सुविधा उपलब्ध होतील. सहकाऱ्यांशी चांगले संबंध राहतील. घरी पाहुणे येतील. आर्थिक आवक चांगली राहील.-विजय देशपांडे (ज्योतिष विशारद)