मेष- विविध कामांमध्ये यश मिळेल. तुमच्या शब्दाचा मान राखला जाईल. आर्थिक आवक ठिकठाक राहील. पैशाच्या व्यवहारात सावधानता बाळगणे आवश्यक आहे. भाऊबंदांशी वाद होण्याची शक्यता आहे. तब्येतीची काळजी घ्या. बेफिकीरपणे वागू नका.
वृषभ- विविध प्रकारच्या कामांना गती मिळेल. मात्र, थोडे संयमाने वागण्याची गरज आहे. कामातून सवड काढून आवडत्या छंदासाठी वेळ द्या. कुणाचे मन दुखावले जाणार नाही याची काळजी घ्या. महत्त्वाच्या कामात जीवनसाथीचा सल्ला मोलाचा ठरेल.
मिथुन - विवाहेच्छुकांचे विवाह ठरतील. जीवनसाथीशी नात्यात गोडवा राहील. प्रवास शक्यतो टाळा. तब्येतीकडे दुर्लक्ष करू नका. मुलांच्या यशाच्या वार्ता कानावर पडतील. महत्त्वाच्या कामांचे नियोजन चांगल्या पद्धतीने करा. म्हणजे वेळ व पैशाची बचत होईल.
कर्क - धनलाभाच्या दृष्टीने चांगला काळ आहे. जोडीदाराचे महत्त्व लक्षात येईल. तब्येतीच्या बाबतीत बेपर्वाईने वागू नका. बाहेरचे तिखट, मसालेदार पदार्थ खाणे टाळा. काहींना भेटवस्तू मिळतील. संयमाने वागणे आवश्यक आहे. महत्त्वाची कागदपत्रे शोधून व्यवस्थित ठेवा.
सिंह- मुलांच्या यशाच्या वार्ता कळतील. योग्यतेनुसार संधी मिळेल. त्यांना त्यांच्या कलागुणांना वाव मिळेल. नोकरीत नवीन जबाबदारी घ्यावी लागेल. कामानिमित्त धावपळ होईल. जीवनसाथीला नाराज करु नका.
कन्या - ग्रहमानाची अनुकूलता राहील. कामे आटोक्यात येतील. त्यामुळे आत्मविश्वास वाढेल. नशिबाची साथ मिळेल. आरोग्याची काळजी घ्या. सरकारी कामे मार्गी लागतील. व्यवसायात अंदाज चुकू शकतात. थोडी खबरदारी घेतली पाहिजे.
तूळ - उद्योग धंद्यात बरकत राहील. विक्री चांगली होईल. महत्त्वाच्या कामात अडचणी येतील. मात्र, धीर सोडू नका. वादविवाद टाळलेले बरे. प्रवासात दगदग होईल. नातेवाइकांच्या भेटी होतील. मालमतेचे व्यवहार, करार मदार करताना कागदपत्रे वाचून सही करा.
वृश्चिक - एखाद्या कार्यक्रमात सहभागी व्हाल. जवळच्या लोकांच्या भेटीगाठी होतील. आर्थिक आवक चांगली राहील. जमिनीच्या व्यवहारात फायदा होईल. कामे मार्गी लागतील. कुणाचे मन दुखवू नका. सामोपचाराने व्यवहार पूर्ण करा. जीवनसाथीची मर्जी सांभाळा.
धनू- नोकरीत मोठी जबाबदारी उचलावी लागेल. दगदग होईल. मात्र, कामाचा खूप ताण घेऊन कामे न करता थोडे खेळीमेळीच्या वातावरणात काम करण्याचा प्रयत्न करा. व्यवसायात मोठी उलाढाल होणार नाही. तब्येतीच्या बाबतीत चालढकल करू नका.
मकर- धनलाभाच्या दृष्टीने चांगला काळ आहे. पैशाची बचत करण्याचा प्रयत्न केला पाहिजे. मुलांच्या प्रगतीचा तटस्थपणे आढावा घ्या. त्यांच्याशी संवाद साधा. प्रवासाचे नियोजन नीट करा. अनोळखी लोकांशी सावधपणे व्यवहार करा.
कुंभ- नोकरीत नवीन जबाबदारी अंगावर घ्यावी लागेल. कामाचा ताण वाढेल. चिडचिड होऊ शकते. थोडे संयमाने वागलेले बरे. धनलाभाच्या दृष्टीने चांगला काळ आहे. वाहनाचा वेग कमी ठेवा. कोर्ट कचेरीच्या कामात सफलता मिळेल.
मीन- सार्वजनिक कार्यासाठी वेळ द्यावा लागेल. लोकांच्या भेटीगाठी होतील. लोकांचे सहकार्य मिळेल. नोकरी, व्यवसायात अनुकूल घटना घडतील. वाहन सुख मिळेल. एखाद्या क्षेत्रातील जाणकाराशी बातचीत करण्याचा योग येईल.- विजय देशपांडे (ज्योतिष विशारद)