अलिबाग : रायगड लोकसभा निवडणुकीच्या प्रचाराला अवघे दोन दिवस शिल्लक राहिले आहेत. त्यामुळे रायगड लोकसभा मतदार संघात नेत्याची प्रचार सभेला धावपळ सुरू आहे. शिवसेना ठाकरे सेनेचे आमदार आदित्य ठाकरे हे आज इंडिया आघाडीचे उमेदवार अनंत गीते यांच्या प्रचारासाठी रायगडात दाखल झाले आहेत. मुरुड येथे आदित्य ठाकरे यांची दुपारी १२ वाजता प्रचार सभा होणार आहे. मुंबई गेटवे येथून बोटीने आदित्य ठाकरे हे मांडवा बंदरात दाखल झाले आहेत. शिवसेना ठाकरे सेनेतर्फे त्याचे स्वागत करण्यात आले. त्यानंतर आदित्य ठाकरे हे मुरुड कडे रवाना झाले. आज दिवसभरात आदित्य ठाकरे सह सुषमा अंधारे, जितेंद्र आव्हाड यांच्या सभांचा धडाका राहणार आहे.
रायगड लोकसभा मतदारसंघात इंडिया आघाडीचे ठाकरे सेनेचे उमेदवार अनंत गीते हे निवडणूक लढवत आहेत. ७ मे रोजी मतदान होणार आहे. प्रचारासाठी दोन दिवस शिल्लक राहिले आहेत. अनंत गीते यांच्या प्रचारासाठी युवा नेते आदित्य ठाकरे हे मुरुड येथे उपस्थित झाले आहेत. रायगड जिल्ह्यात शिवसेना उपनेत्या सुषमा अंधारे, राष्ट्रवादी काँग्रेस शरद पवार गटाचे आमदार जितेंद्र आव्हाड यांची रोहा येथे सभा होणार आहे. त्यामुळे आज दिवसभरात इंडिया आघाडी तर्फे प्रचार सभाचा धडाका राहणार आहे.