पुणेः गेल्या अनेक दिवसांपासून पुणे शहर व परिसरात चांगला पाऊस हाेत अाहे. धरणक्षेत्रातही जाेरदार पाऊस हाेत असल्याने पुण्यातील अनेक धरणे भरली अाहेत. खडकवासला धरणातून माेठा विसर्ग मुठा नदीपात्रात करण्यात येत अाहे. त्यामुळे मुठा नदी दुथडी भरुन वाहत अाहे. या पाण्यात काही तरुण धाेकादायकरित्या पाेहत अाहेत. त्याचबराेबर या मुलांसाेबत काही लहान मुलेही नदीच्या पाण्यात उतरत अाहेत. परिणामी त्यांच्या जीवाला धाेका निर्माण झाला अाहे.
पुण्यातील सर्वच धरणे जवळपास पूर्ण भरली अाहेत. सातत्याने पडणाऱ्या पाऊसामुळे नदी दुथडीभरुन वाहत अाहे. गेल्या काही दिवसांत खडकवासला धरणातून पाणी साेडल्याने पुण्यातील महत्त्वाचा असा भिडे पूल अनेकदा पाण्याखाली गेला हाेता. त्यामुळे पाेलिसांनी या पुलावरील वाहतूक बंद केली हाेती. मुठा नदीला लागून असलेल्या दत्तवाडी भागातील काही तरुण अाणि चिमुकले हे मुठा नदीच्या पाण्यात धेाकादायकरित्या पाेहत असतात. पाण्याचा माेठा प्रवाह असल्याने तसेच पाण्याच्या खाेलीचा अंदाज येत नसल्याने एखादा अपघात घडण्याची शक्यता अाहे. काही दिवसांपूर्वी एक लहानगा पाणी वाहत असलेल्या एका छाेट्या पूलावरुन सायकल चालवत असल्याचे समाेर अाले हाेते. त्याचबराेबर अनेक महाविद्यालयीन तरुण-तरुणी नदीपात्राजवळ जात पाण्याजवळ सेल्फी घेत असल्याचेही समाेर अाले हाेते. खडकवासला धरणातून नदीमध्ये पाणी साेडल्यावर नदीपात्राजवळ काेणी जाऊ नये असे अावाहन पालिका प्रशासन व पाेलीस प्रशासनाकडून वेळाेवेळी करण्यात येते, परंतु काही तरुणांकडून याकडे दुर्लक्ष करण्यात येते.
महिन्याभरापूर्वी संगमवाडी येथे एक चिमुकला नदीपात्रात सायकल चालवित असताना पाण्यात बुडाला हाेता. दाेन दिवसांनी त्याचा मृतदेह दूरवर अाढळला हाेता. पावसाळ्यात नदीत उतरने धाेकादायक असताना याकडे दुर्लक्ष करण्यात येत असल्याचे चित्र अाहे.