तळेगावात किरकोळ वादातून युवकाला मारहाण

विकास कोल्हे, राज बागवान, योगेश रासकर व एक अनोळखी युवक असे गुन्हा दाखल करण्यात आलेल्या युवकांनी नावे आहेत. तळेगाव ढमढेरे ता. शिरूर येथील चौकाजवळ सुरज चकोर यांच्या दुकानाचे काम सुरु असताना सोमेश खोले व काही युवक त्या कामाच्या ठिकाणी होते, यावेळी गावातील काही युवक रात्री साडेअकराच्या सुमारास तेथे धिंगाणा व गोंधळ घालत असल्याने सोमेश खोले यांनी त्यांना खूप रात्र झाली आहे, गोंधळ का करता असे म्हटले असताना विकास कोल्हे, राज बागवान, योगेश रासकर यांसह एका युवकाने शिवीगाळ, दमदाटी करत लाथाबुक्क्यांनी मारहाण करण्यास सुरवात केली. यावेळी मारहाण करताना दगडाने मारहाण करून सोमेश खोले यास जखमी केले. याबाबत सोमेश राजेश खोले यांनी शिक्रापूर पोलीस स्टेशन येथे फिर्याद दिली. शिक्रापूर पोलिसांनी विकास कोल्हे, राज बागवान, योगेश रासकर यांसह एक अनोळखी युवक (चौघे रा. तळेगाव ढमढेरे) यांच्याविरुद्ध गुन्हे दाखल केले. गुन्ह्याचा तपास पोलीस निरीक्षक उमेश तावसकर यांच्या मार्गदर्शनाखाली पोलीस नाईक अमोल चव्हाण हे करत आहे.