व्हॉलीबॉल स्पर्धेमधे हिवरे कुंभार संघाने पटकविला प्रथम क्रमांक

अत्यंत चुरशीच्या झालेल्या अंतिम सामन्यामध्ये

निघोज संघाला द्वितीय क्रमांकावर समाधान मानावे लागले.

तृतीय क्रमांक निरगुडसर संघ व चतुर्थ क्रमांक कवठे येमाई संघाला मिळाला स्पर्धेमधे एकूण १५ संघांनी सहभाग घेतला. कोरेगाव भीमा शिक्रापूर वडगाव काशिंबेग जांबुत सविंदणे टाकळी हाजी, शिरूर संघांनी उत्कृष्ट खेळाचे प्रदर्शन करीत प्रेक्षकांची मने जिंकली.

स्पर्धेचा मानकरी हिवरे कुंभार संघाचा खेळाडू ठरला. तर उत्कृष्ट शूटरचे पारितोषिक कवठे येमाई संघांच्या श्रीराम इचके यांना बहाल करण्यात आले.

रात्रीच्या प्रकाशझोतात खेळविण्यात आलेल्या या स्पर्धेला प्रेक्षकांचा उत्तम प्रतिसाद लाभला.

पंचायत समिती सदस्य डॉ. सुभाष पोकळे यांचे शुभहस्ते नाणेफेक करून स्पर्धेची सुरुवात करण्यात आली. या वेळी माजी सरपंच दीपक रत्नपारखी, राजेश सांडभोर, संतोष मुखेकर, विजय बगाटे, सुखदेव उचाळे, बाळासाहेब डांगे, रितेश शहा आदी मान्यवर उपस्थित होते.

स्पर्धेचे आयोजन जगदंबा स्पोर्ट्स व समस्त ग्रामस्थ कवठे येमाई यांनी केले होते.