बारामती (पुणे): राष्ट्रवादी काँग्रेस व काँग्रेसने एकत्र ही निवडणूक लढवली होती. विकासाच्या मुद्द्यावर ही निवडणूक झाली. कर्जत शहरात लोकांमध्ये जाऊन लोकांचे विषय समजून घेऊन आम्ही ही निवडणूक लढवली त्याला कर्जत शहरातील नागरिकांनी देखील प्रतिसाद दिला, असे प्रतिक्रिया कर्जत-जामखेडचे आमदार रोहित पवार (rohit pawar) यांनी व्यक्त केली.
आज जाहीर झालेल्या नगरपंचायत निकालांमध्ये कर्जत नगरपंचायतीवर राष्ट्रवादी काँग्रेस व काँग्रेसने विजय मिळवला आहे. १२ जागांवर राष्ट्रवादी काँग्रेसचे तर ३ जागांवर काँग्रेसचे उमेदवार निवडून आले आहेत, असे १७ पैकी १५ उमेदवार निवडून आले आहेत.