पुणे : बांधकाम व्यावसायिक देवेन शहा यांच्या हत्येप्रकरणी डेक्कन पोलिसांनी आणखी दोघांना गुरुवारी अटक केली आहे. या प्रकरणात आतापर्यंत अटक केलेल्यांची संख्या आता सात झाली आहे. समीर सदावर्ते (रा. कोथरुड) आणि नितीन दांगट (रा. वारजे) अशी या दोघांची नावे आहेत. बांधकाम व्यावसायिक देवेन शहा यांची त्यांच्या प्रभात रोडवरील सायली अपार्टमेंटच्या आवारात १३ जानेवारी रोजी रात्री हत्या करण्यात आली होती. सोसायटीतील सीसीटीव्हीवरून पोलिसांनी हत्या करणारे रवींद्र चोरगे याला सर्वप्रथम जळगावहूनअटक केली. त्यानंतर हत्येतील पिस्तूल लपवून ठेवणा-या सुरेंद्रपाल याला ठाण्यातून अटक केली होती. चोरगेचा साथीदार राहुल शिवतारे याला अटक केली होती. पिस्तुलासाठी पैसे पुरविणारा शंकर नवले (रा. चंदननगर) याला अटक केली. पिस्तूल खरेदी करून देणारा शिवतारेचा मित्र सुनील ऊर्फ सोनू मदनलालजी राठोर (रा. उज्जैन) याला अटक केली होती. देवेन शहा यांचा हत्ये प्रकरणात समीर सदावर्ते आणि नितीन दांगट यांच्याविषयी फिर्यादीने संशय व्यक्त केल्याने अधिक तपासासाठी त्यांना अटक करण्यात आल्याची माहिती सहायक पोलीस आयुक्त बाजीराव मोहिते यांनी दिली.
देवेन शहा हत्येप्रकरणी आणखी दोघांना अटक
By ऑनलाइन लोकमत | Updated: March 23, 2018 12:08 IST