पुणे : कोरेगाव- भीमा शौर्यदिन कार्यक्रमानिमित्त पुणे- अहमदनगर वाहतुकीमध्ये बदल करण्यात आलेला आहे. ३० डिसेंबर २०२३ रोजी संध्याकाळी ५ वाजेपासून ते १ जानेवारी २०२४ रोजी रात्री १२ वाजेपर्यंत पुणे - अहमदनगर महामार्ग बंद करण्यात येणार आहे. यादरम्यान वाहतुकीसाठी खालील पर्यायी मार्गांचा वापर करता येणार आहे.
१. शिक्रापुर ते चाकण व चाकण ते शिक्रापुर अशी जाणारी येणारी सर्व प्रकारची वाहतूक पूर्णपणे बंद राहील.२. अहमदनगर बाजूकडून पुणे व मुंबई बाजूकडे येणारी जड-अवजड व इतर बाहने ही शिरुर-न्हावरा फाटा, न्हावरा- पारगाव-केडगाव चफुला- यवत- सोलापूर रोड हडपसर या मार्गे पुणेकडे येतील. ३. पूणे बाजूकडून अहमदनगर बाजूकडे जाणारी जड-अवजड व इतर वाहने ही पुणे-खराडी-हडपसर-सोलापूर हायवे रोडने केडगाव चौफुला-पारगाव-न्हावरा शिरुर मार्गे अहमदनगर रोड अशी जातील.४. मुंबई येथून अहमदनगर बाजूकडे जाणारी जड-अवजड व माल वाहतुक (ट्रक/टेम्पो इ.) ही वाहने वडगाव मावळ-तळेगाव-चाकण-खेड-नारायणगाव-आळेफाटा मार्गे अहमदनगर अशी जातील.५. मुंबई व ठाणेकडून अहमदनगर बाजूकडे जाणारी हलकी वाहने उदा. कार, जीप इत्यादी ही बडगाव मावळ-तळेगाव-चाकण-खेड-पावळ-शिरुर मार्गे अहमदनगर अशी जातील.
याप्रमाणे पेरणे-कोरेगाव भीमा येथील जयस्तंभ शौर्यदिन अभिवादन कार्यक्रमासाठी येणा-या वाहनांसाठी हा मार्ग खुला असणार आहे, ही माहिती अशी माहिती पोलीस अधीक्षक पुणे ग्रामीण कार्यालयाच्या वतीने पोलीस निरीक्षक प्रवीण मोरे यांनी दिली.