शहरात मंगळसूत्र चोरीच्या तीन घटना

शहरात तीन वेगवेगळ्या ठिकाणी दुचाकीस्वारांनी मंगळसूत्र व दागिने हिसका मारुन पळवून नेले. यात तब्बल पाच लाखांचा ऐवज लुटून नेला

पिंपरी : शहरात तीन वेगवेगळ्या ठिकाणी दुचाकीस्वारांनी मंगळसूत्र व दागिने हिसका मारुन पळवून नेले. यात तब्बल पाच लाखांचा ऐवज लुटून नेला. याप्रकरणी निगडी, हिंजवडी व एमआयडीसी पोलीस ठाण्यात गुन्हे दाखल करण्यात आले आहेत. या प्रकरणामुळे सोने चोरट्यांची टोळी पुन्हा सक्रिय झाल्याचे दिसून येत आहे. प्राधिकरण, निगडीत पती व मुलांसह दुचाकीवरून जाणार्‍या महिलेच्या गळ्यातील मंगळसूत्र मोटारसायकलवरून आलेल्या चोरट्यांनी हिसका मारून चोरून नेले. तेरा तोळे वजनाचा २ लाख २४ हजार रु पये किमतीचा हा ऐवज आहे. याप्रकरणी अविनाश शंकर लोंढे (वय ३३, रा. सरिता अपार्टमेंट, कासारवाडी) यांनी निगडी पोलिसांत फिर्याद दिली. लोंढे त्यांची पत्नी आणि मुले हे शुक्र वारी रात्री मोटारसायकलवरून प्राधिकरणातील भेळ चौकातून जात असताना हा प्रकार घडला. पुणे - नाशिक महामार्गावरील साधुराम मंगल कार्यालयाच्या आवारात लग्न समारंभातून बाहेर पडत असताना दुचाकीवरून आलेल्या चोरट्यांनी १ लाख ६० हजार रु पये किमतीचे आठ तोळ्यांचे मंगळसूत्र हिसका मारून नेले. स्वप्निल योगेश गव्हाणे (वय २५, रा. मारु ती सदन, वाघेरे कॉलनी, पिंपरीगाव) यांनी या प्रकरणी एमआयडीसी पोलीस ठाण्यात फिर्याद दिली. शनिवारी रात्री हा प्रकार घडला. गव्हाणे हे नातेवाइकांचा लग्न समारंभ आटोपून पत्नी व मुलांसह कार्यालयातून बाहेर पडत असताना हा प्रकार घडला. पुनावळे येथील पुलावर पती व मुलांसह दुचाकीवरून जाणार्‍या महिलेच्या गळ्यातील ४ तोळे वजनाचा १ लाख २२ हजार रु पये किमतीचा राणीहार दुचाकीवरून आलेल्या चोरट्यांनी हिसका मारून नेला. संध्या बाळासाहेब पवार (वय ५५, रा. युवराजनगर, रहाटणी) यांनी या प्रकरणी हिंजवडी पोलिसांत फिर्याद दिली आहे. (प्रतिनिधी)