कंटेनरच्या धडकेत तिघांचा मृत्यू

चाकण- शिक्रापूर रस्त्यावर भोसे गावच्या हद्दीत मराठी शाळेसमोर भरधाव जाणाऱ्या कंटेनरने दुचाकीला पाठीमागून जोरदार धडक बसल्याने

चाकण : चाकण- शिक्रापूर रस्त्यावर भोसे गावच्या हद्दीत मराठी शाळेसमोर भरधाव जाणाऱ्या कंटेनरने दुचाकीला पाठीमागून जोरदार धडक बसल्याने झालेल्या अपघातात दुचाकीवरील नवरा, बायको आणि मुलाचा मृत्यू झाला. ही घटना सोमवारी (दि. १४) रात्री ७ च्या सुमारास घडली.
हनुमंत राणू ठाकर (वय ३५), सिंदूबाई हनुमंत ठाकर (वय ३१) व सचिन हनुमंत ठाकर (वय १२, सर्व रा. केळगाव, ता. खेड, सध्या रा. वडगाव घेणंद) असे या अपघातात मृत्यू झालेल्यांची नावे आहेत. (वार्ताहर)