चाचण्या वाढल्या, रुग्ण घटले, पॉझिटिव्हिटी रेट २.५३ टक्के

शहरातील दररोजच्या मृत्यूची संख्याही दररोज ४ ते ५ इतकी जात आहे. आठवड्याभरात कोरोनामुळे ३२ रुग्णांचा मृत्यू झाला. आठवड्यात सर्वात कमी १२८ तर सर्वात जास्त २९२ रुग्णांचे निदान झाले. कोरोनामुक्त झालेल्या रुग्णांची आठवड्यातील संख्या १५४९ इतकी आहे. आॅगस्ट महिन्याच्या पहिल्या आठवड्यापासून पॉझिटिव्हिटी रेट ३ टक्कयांहून खाली गेला होता. २-८ आॅगस्ट या आठवड्यात २.६४ टक्के, ९-१५ आॅगस्ट या कालावधीत २.५४ टक्के, १६-२२ आॅगस्ट या आठवड्यात २.४६ टक्के इतका पॉझिटिव्हिटी रेट नोंदवला गेला होता. या तुलनेत २३-२९ आॅगस्ट या कालावधीत पॉझिटिव्हिटी रेट ३.०६ टक्के इतका वाढला. ३० ऑगस्ट ते ५ सप्टेंबर या काळात पॉझिटिव्हीटी रेट पुन्हा ३ टक्क्यांहून खाली आला आहे. गणेशोत्सव, नवरात्र, दिवाळी या सणांमध्ये नागरिकांनी गर्दी केल्यास तिसऱ्या लाटेला आपणच आमंत्रण देऊ, असा इशारा वैद्यकतज्ज्ञांकडून दिला जात आहे.

------

आठवडा चाचण्या रुग्ण पॉझिटिव्हिटी रेट

२ - ८ आॅगस्ट ५६,०५७ १४८१ २.६४

९-१५ आॅगस्ट ६०,७७६ १५४४ २.५४

१६-२२ आॅगस्ट ५७,५०४ १४१६ २.४६

२३-२९ आॅगस्ट ५६,४२६ १७३१ ३.०६

३० ऑगस्ट- ५ सप्टें ६१,३७४ १५५७ २.५३

----

शहरातील स्थिती :

शहरात आतापर्यंत ३१ लाख ८० हजार ४३ इतक्या चाचण्या करण्यात आल्या आहेत. त्यापैैकी ४ लाख ९६ हजार ७७२ जण कोरोनाबाधित असल्याचे निदान झाले आहे. त्यापैैकी ४,८५,५६५ रुग्ण बरे होऊन घरी गेले. कोरोनाबाधित रुग्ण बरे होण्याचे प्रमाण ९७.७३ टक्के इतके आहे. शहरात ८९४९ कोरोनाग्रस्त रुग्णांचा मृत्यू झाला. सध्या २०८ कोरोनाबाधितांची परिस्थिती गंभीर असून, २९० रुग्ण आॅक्सिजनवर आहेत. शहरातील सक्रिय रुग्णांची संख्या २२५८ इतकी आहे.

----------