प्रजासत्ताक दिनाला गैरहजरप्रकरणी कारणे दाखवा नोटीस

शिवसेनेच्या वतीने तालुका प्रमुख युवराज जेधे व शहरप्रमुख नितीन सोनावले यांनी गटविकास अधिकारी यांना दिलेल्या निवेदनात म्हटले आहे कि प्रभारी बालविकास प्रकल्प अधिकारी वृषाली आनंद साबणे व अंगणवाडी

पर्यवेक्षिका विदया गजानन सोनवणे, संगीता राजेंद्र जाधवर, प्रतिभा हृषीकेश बरबरे, प्रज्ञा सुनील भागवत, राजश्री स्वामी भागवत या ६ जणी २६ जानेवारीच्या प्रजासत्ताक दिनाला हजर नव्हत्या. त्यांच्या कार्यालयाच्या हजेरी पत्रकावर त्यांच्या सह्या नसुन त्यांनी इतर कोणत्याही ठिकाणी झेंडावंदन करायला हजर नव्हत्या. तालुक्यातील लहान मुलांचे भवितव्य घडवणा-या अंगणवाडी पर्यवेक्षिका आणी प्रभारी बालविकास प्रकल्प अधिकारी प्रजासत्ताक दिनाला हजर राहून तिरंग्याचा मान राखण्याऐवजी कोणतीही परवानगी न घेता फिरायला गेल्यात याची चौकशी करून संकरण्याची मागणी निवेदन देऊन केली आहे. सदर निवेदनाच्या प्रती पालकमंत्री, मुख्यकार्यकारी अधिकारी जिल्हा परिषद पुणे यांना देण्यात आल्या आहेत. भोर पंचायत समितीच्या वतीने कारणे दाखवा नोटीस दिली असुन यावर त्यांनी दिलेला खुलासा व सर्व कागदपत्रे पुढील कार्यवाहीसाठी वरिष्ठांकडे पाठवण्यात येणार असल्याचे भोर पंचायत समितीचे गटविकास अधिकारी विशाल तनपुरे यांनी सांगितले.

वादग्रस्त प्रभारी बालविकास प्रकल्प अधिकारी तरीही पून्हा नेमणुक का?

भोर पंचायत समितीत मार्च २०१९ पासुन कायमस्वरूपी बालविकास प्रकल्प अधिकारी नाही. त्यामुळे वर्ग २ श्रेणी असलेले सहायक गटविकास अधिकारी कुलदीप भोंगे प्रभारी म्हणून काम पाहात होते. मात्र ते आजारी पडल्याने अंगणवाडी पर्यवेक्षिका असलेल्या वृषाली साबणे यांच्याकडे मागील तीन-चार महिन्यांपासुन प्रभार उपमुख्यकार्यकारी अधिकारी महिला व बालविकास जिल्हा परिषद यांनी दिला.सध्या अंगणवाडी बंद आहेत. त्यामुळे कोणताही भार नाही. मात्र प्रभारी बालविकास प्रकल्प नेमताना वर्ग २ असलेले सहायक गटविकास अधिकारी, गटशिक्षणाधिकारी किंवा वेल्हे तालुक्याचे बालविकास प्रकल्प अधिकारी यांची तात्पुरती नेमणूक न करता सुपरवायझर असलेल्या साबणेंचीच नेमणूक का? केली? यापूर्वी प्रभारी म्हणून काम करताना वृषाली साबणे यांची कारकिर्द वादग्रस्त ठरली होती. तरीही नियमात नसतानाही पुन्हा त्यांनाच पदभार का? दिला?,यात काय गौडबंगाल आहे. याची चौकशीची मागणी होत आहे.

एकात्मिक बालविकास प्रकल्प अधिकारी कार्यालय फोटो