राजगुरुनगर: खरपुडी बुद्रुक (ता खेड ) येथे एक धक्कादायक घटना घडली आहे. घरात वीजेचे शॉटसर्कीट झाल्याने झोपेत तरुणाचा जळून मूत्यू झाला आहे.वैभव जगन्नाथ गरुड (वय ३५ ) असे मृत तरुणाचे नांव आहे. याबाबत खेड पोलिस ठाण्यात आकस्मित मुत्यूची नोंद झाली आहे.
या घटनेबाबत सविस्तर माहिती अशी की, खरपुडी येथील दत्तनगरमध्ये मयत वैभव गरुड हे कुंटुंबासह राहत होते. गरुड यांनी घरात गणपती बसवून मुर्ती समोर आकर्षक सजावट करून या सजावटीमध्ये विद्युत लाईटच्या माळा लावण्यात आल्या होत्या. (दि २४ ) च्या मध्यरात्री घरात विजेचे शॉटसर्कीट होऊन आग लागली. घरातील साड्या, बेड व इतर वस्तू जळून गेल्या. गादीवर झोपलेल्या वैभव गरुड यांचा जळून जागीच मूत्यू झाला. वैभव हा सर्पमित्र म्हणून या परिसरात प्रसिद्ध होता. त्याच्या पाठीमागे पत्नी व दोन लहाण मुली असून ग्रामस्थामध्ये हळहळ व्यक्त होत आहे.