ग्रामपंचायत निवडणुकीसाठी पुरंदरचे प्रशासन सज्ज

१२ गावांतून १७० जागा बिनविरोध तर बहिष्कार असणा-या पिंगोरीच्या ७ जागा तर काही अपरिहार्य कारणामुळे ४ जागा रिक्त झाल्याने ५९८ उमेदवारांपैकी ४१७ जागांवर मतदान होत असल्याचेही तहसीलदार सरनोबत यांनी स्पष्ट केले.

या मतदान प्रक्रियेसाठी २०० केंद्र तयार करण्यात आली आहे. प्रत्येक केंद्रासाठी ६ याप्रमाणे १२०० कर्मचारी तैनात केल्याचे सांगत याव्यतिरिक्त १० टक्के राखीव कर्मचारी नेमल्याचेही तहसीलदार यांनी सांगितले.

दिवे येथील कातोबा हायस्कुलच्या प्रांगणातून २७ एसटी बस आणि काही ठिकाणी खासगी वाहनाद्वारे दि १४ रोजी मतदानाचे साहित्य मतदान केंद्रांवर पोहोचविले जाणार असल्याचे सरनोबत यांनी सांगितले. या निवडणूक प्रक्रियेदरम्यान सासवड पोलीस स्टेशन अंतर्गत १३ आणि जेजुरी जेजुरी पोलीस स्टेशन अंतर्गत ९ गावे संवेदनशील म्हणून नोंदविण्यात आल्याचे नायब तहसीलदार सूर्यकांत पठाडे यांनी सांगितले. सोमवार दि १८ जानेवारीला दिवे येथील औद्योगिक प्रशिक्षण केंद्रात मतमोजणी होणार असून यासाठी २२ टेबलद्वारे तीन टप्प्यांत ५५ गावांची मतमोजणी होणार आहे.