पुणे: पुणे महानगरपालिका निवडणुकीत सर्वांचे लक्ष लागलेल्या प्रभाग क्रमांक २५ मध्ये भारतीय जनता पक्षाने आपले वर्चस्व पुन्हा एकदा सिद्ध केले आहे. दोन तासांच्या ईव्हीएम गोंधळानंतर सुरू झालेल्या मतमोजणीत भाजपच्या चारही उमेदवारांनी मोठ्या मताधिक्याने विजय मिळवला आहे. या विजयामुळे पुण्याच्या पेठांमध्ये भाजपचा जल्लोष पाहायला मिळत आहे.
प्रभाग २५ मधील विजेते उमेदवार: १. राघवेंद्र (बापू) मानकर (भाजप) - तब्बल २८,६१० मतांच्या लीडने विजयी. २. कुणाल टिळक (भाजप) - विजयी (दिवंगत मुक्ता टिळक यांचे चिरंजीव). ३. स्वरदा बापट (भाजप) - विजयी (दिवंगत गिरीश बापट यांच्या स्नुषा). ४. स्वप्नाली नितीन पंडित (भाजप) - विजयी.
रूपाली पाटील ठोंबरे यांना धक्काराष्ट्रवादी काँग्रेस (अजित पवार गट) कडून मोठ्या अपेक्षेने रिंगणात उतरलेल्या रूपाली पाटील ठोंबरे यांचा या निवडणुकीत पराभव झाला आहे. मतमोजणी केंद्रावर त्यांनी ईव्हीएम मशिनी बदलल्याचा आरोप करत मोठा गदारोळ केला होता. मात्र, मतदारांनी भाजपच्या उमेदवारांना कौल दिल्याचे स्पष्ट झाले आहे.
निकालाचे महत्त्व:
वारसा राजकारण: कुणाल टिळक आणि स्वरदा बापट यांच्या विजयामुळे टिळक आणि बापट कुटुंबियांचे पुण्यातील राजकीय वर्चस्व कायम असल्याचे दिसून आले आहे.
सर्वात मोठे मताधिक्य: राघवेंद्र मानकर यांनी मिळवलेले २८,६१० मतांचे लीड हे आतापर्यंतच्या मोठ्या लीड्सपैकी एक मानले जात आहे.
पेठांमध्ये भाजपचे वर्चस्व: या निकालामुळे पुण्यातील कसबा आणि मध्य भागातील भाजपची पकड मजबूत असल्याचे पुन्हा एकदा सिद्ध झाले आहे.
Web Summary : BJP dominated Pune's Ward 25, winning all four seats. Rupali Patil Thombare faced defeat amid EVM controversy. Dynastic politics prevailed with victories for Tilak and Bapat family members. Raghavendra Mankars win set record.
Web Summary : भाजपा ने पुणे के वार्ड 25 में दबदबा बनाया, सभी चार सीटें जीतीं। ईवीएम विवाद के बीच रूपाली पाटिल ठोंबरे को हार का सामना करना पड़ा। तिलक और बापट परिवार के सदस्यों की जीत के साथ वंशवादी राजनीति का दबदबा रहा। राघवेंद्र मानकर की जीत ने रिकॉर्ड बनाया।