जेजुरी : येथील कुलदैवत खंडेरायाच्या गडावर देवदर्शनासाठी शनिवारी व रविवारी एक लाखांहून अधिक भाविकांनी गर्दी केली होती. सदानंदाचा येळकोट, येळकोट येळकोट जय मल्हारच्या जयघोष आणि भंडार खोबऱ्याची उधळण करीत भाविकांनी कुलदैवताचे दर्शन घेतले.
राज्याच्या विविध प्रांतातून आलेल्या भाविकांनी जेजुरी शहरात शनिवार(दि.१३)पासूनच मोठी गर्दी केली होती. लॉज, भक्तनिवास आणि पुजारी वर्गाच्या निवासस्थाने येथे मोठ्या संख्येने भाविकांनी निवास केला होता. रविवारी पहाटेपासूनच खंडोबा, म्हाळसादेवी आणि बाणाईदेवी यांच्या दर्शनासाठी लक्षणीय गर्दी झाल्यामुळे देवसंस्थान प्रशासनावर व्यवस्थेच्या दृष्टीने मोठा ताण पडला होता.
सुमारे एक लाखांहून अधिक भाविकांनी देवदर्शन घेतल्याचे सेवक वर्गाने सांगितले. सध्याच्या लग्नसराईच्या दिवसा आणि सहलींच्या हंगामामुळे जानेवारी महिन्याच्या अखेरीपर्यंत भाविकांची गर्दी सुरू राहणार असल्याचे सांगितले जात आहे.
Web Summary : Over a lakh devotees flocked to Jejuri's Khandoba temple over the weekend. Chants of 'Yelkot Yelkot Jai Malhar' filled the air as devotees offered prayers. The temple saw a surge due to the wedding season and ongoing tours, with crowds expected to continue throughout January.
Web Summary : जेजुरी के खंडोबा मंदिर में सप्ताहांत में एक लाख से अधिक भक्त उमड़े। 'येळकोट येळकोट जय मल्हार' के नारों से वातावरण गूंज उठा क्योंकि भक्तों ने प्रार्थना की। विवाह के मौसम और चल रहे पर्यटन के कारण मंदिर में भीड़ बढ़ गई, जनवरी तक भीड़ जारी रहने की उम्मीद है।