पुणे : बुधवार पेठ परिसरात पुणे पोलिसांनी केलेल्या १० तासांच्या काेम्बिंग ऑपरेशनदरम्यान ग्राहकांना रस्त्यावर बसवून सार्वजनिकरीत्या अपमानित केल्याचा गंभीर आरोप समोर आला आहे. याप्रकरणी तुषार देवीदास झेंडे पाटील यांनी राष्ट्रीय मानवाधिकार आयोगाकडे तक्रार दाखल केली आहे.
तक्रारीनुसार, पोलिस आयुक्तांच्या आदेशानुसार झालेल्या या कारवाईत काही अल्पवयीन मुलींची सुटका करण्यात आली. दोन बांगलादेशी महिलांना बेकायदेशीर वास्तव्याच्या संशयावरून ताब्यात घेण्यात आले, तर एका व्यक्तीकडून अमली पदार्थ जप्त करण्यात आले. संबंधित बाबींवर कायदेशीर कारवाई करणे योग्य असले तरी कारवाईदरम्यान उपस्थित ग्राहकांशी वागण्याची पद्धत अमानवी असल्याचा आरोप तक्रारदाराने केला आहे.
झेंडे पाटील यांनी म्हटले आहे की, अनेक ग्राहकांना कोणताही गुन्हा तत्काळ दाखल नसताना तासनतास रस्त्यावर बसविण्यात आले. त्यांची सार्वजनिक ठिकाणी ओळख उघड होईल अशा पद्धतीने वागणूक दिल्याने त्यांच्या सन्मानाला धक्का बसला. ही वागणूक मानवी हक्कांचे उल्लंघन असल्याचा दावा त्यांनी तक्रारीत केला आहे. तक्रारदाराने आयोगाकडे या संपूर्ण कारवाईची चौकशी करण्याची मागणी केली आहे. पुणे पोलिस आयुक्तांकडून सविस्तर अहवाल मागवावा, ऑपरेशनदरम्यानचे सीसीटीव्ही फुटेज, लॉगबुक आणि ताबा नोंदी तपासाव्यात, तसेच संबंधित अधिकाऱ्यांवर शिस्तभंगाची कारवाई करावी, अशी मागणी करण्यात आली आहे. याशिवाय, ज्या व्यक्तींना अपमानास्पद वागणूक देण्यात आली, त्यांना नुकसानभरपाई देण्याबाबत शिफारस करावी, असेही नमूद करण्यात आले आहे. भविष्यात अशा प्रकारच्या कारवायांमध्ये मानवी सन्मान अबाधित राहील. यासाठी स्पष्ट मार्गदर्शक सूचना जारी करण्याचीही विनंती आयोगाला करण्यात आली आहे.
Web Summary : A complaint has been filed with the human rights commission regarding the treatment of customers during a police raid in Pune's Budhwar Peth. Customers were allegedly humiliated by being forced to sit on the street. An inquiry and compensation are requested.
Web Summary : पुणे के बुधवार पेठ में पुलिस छापे के दौरान ग्राहकों के साथ दुर्व्यवहार के संबंध में मानवाधिकार आयोग में शिकायत दर्ज की गई है। आरोप है कि ग्राहकों को सड़क पर बैठने के लिए मजबूर करके अपमानित किया गया। जांच और मुआवजे की मांग की गई है।