पुणे: पुणे महानगरपालिकेच्या १६५ जागांसाठी सुरू असलेल्या मतमोजणीत आतापर्यंतचे जे कल समोर आले आहेत, ते धक्कादायक आहेत. पुण्याच्या राजकारणात नेहमीच सक्रिय असलेल्या शिवसेना (दोन्ही गट), मनसे आणि वंचित बहुजन आघाडी या पक्षांचे उमेदवार अद्याप एकाही जागेवर आघाडीवर असल्याचे दिसत नाही. पुण्यात केवळ 'कमळ' आणि 'घड्याळ' (दोन्ही राष्ट्रवादी) यांच्यातच सत्तेची खरी खेळी सुरू असल्याचे चित्र आहे.
पुणे - पिंपरी चिंचवड महापालिका निकालाचे लाईव्ह अपडेट
पुण्यातील सध्याचे धक्कादायक वास्तव:१. शिवसेना (एकनाथ शिंदे व उद्धव ठाकरे गट): मुंबई आणि ठाण्यात मुसंडी मारणाऱ्या शिवसेनेच्या दोन्ही गटांना पुण्यात अद्याप खातेही उघडता आलेले नाही. पुण्यात शिवसेनेचे अस्तित्व धोक्यात आले आहे का? असा प्रश्न विचारला जात आहे.२. राज ठाकरेंची मनसे: राज ठाकरे यांनी पुण्यात अनेक सभा घेतल्या, 'दुबार मतदार' आणि 'शाई'चा मुद्दा लावून धरला. मात्र, मतदारांनी मनसेच्या उमेदवारांना सध्या तरी नाकारल्याचे कल सांगत आहेत. वसंत मोरे यांच्यासारखे दिग्गज उमेदवारही पिछाडीवर आहेत. ३. वंचित आणि AIMIM: पुण्याच्या झोपडपट्टी आणि दलित-मुस्लिम बहुल वॉर्डांमध्ये प्रभाव पाडणाऱ्या वंचित बहुजन आघाडी आणि एमआयएमलाही अद्याप आघाडी मिळवता आलेली नाही.
भाजप-राष्ट्रवादीचीच चलती:पुण्यात भाजप ४८ पेक्षा जास्त जागांवर आघाडीवर आहे, तर अजित पवार आणि शरद पवार यांच्या एकत्रित राष्ट्रवादी आघाडीने १४ पेक्षा जास्त जागांवर पकड मिळवली आहे. काँग्रेसने प्रशांत जगताप यांच्या विजयाने खाते उघडले असले तरी, इतर छोट्या पक्षांचा सुपडा साफ होण्याची भीती व्यक्त होत आहे.
Web Summary : Pune's election sees BJP and NCP dominating. Thackeray & Shinde Sena, MNS, and VBA struggle, failing to win any seats. Congress opens account.
Web Summary : पुणे चुनाव में बीजेपी और एनसीपी का दबदबा। ठाकरे और शिंदे सेना, मनसे और वीबीए संघर्ष कर रहे हैं, कोई भी सीट जीतने में विफल। कांग्रेस ने खाता खोला।