Pune Car Accident : पुण्यात मध्यवर्ती भागात सदाशिव पेठेत असलेल्या भावे हायस्कूल जवळ एका कारचालकाने १२ जणांना उडविल्याची घटना शनिवारी (दि. ३१) सायंकाळी पावणे सहाच्या सुमारास घडली. या अपघातामधील जखमींवर रुग्णालयात उपचार सुरू आहेत. पोलिसांनी या अपघाताची चौकशी सुरू केली असून आता अपघाताचा सीसीटीव्ही फुटेज समोर आला आहे.
या अपघातामध्ये तीन जण गंभीर जखमी असल्याची माहिती समोर आली आहे. तर चार जणांचा पाय फ्रॅक्चर झालाय. या तरुणांवर तातडीने उपचार सुरू आहेत. दरम्यान, सीसीटीव्ही फुटेजमध्ये कारने चहाच्या टपरीला जाऊन धडक दिल्याचे दिसत आहे.
Pune Car Accident : पुण्यात कारने १२ जणांना उडवले, अपघातामधील जखमींची यादी आली समोर
भावे हायस्कूलजवळ एका टपरीवजवळ काही विद्यार्थी चहा घेत होते. त्यावेळी एक कार रस्त्याच्या बाजूने येताना दिसते. कारचालकाने टर्न घेतला. पण कार थेट चहाच्या टपरीत शिरते, या टपरीवर चहा घेणाऱ्यांना कारने उडवल्याचे व्हिडीओत दिसत आहे. जखमी झालेले तरुण एमपीएससीची तयारी करत होते.
अपघातामधील जखमींची यादी आली समोर
पुण्यात मध्यवर्ती भागात सदाशिव पेठेत असलेल्या भावे हायस्कूल जवळ एका कारचालकाने १२ जणांना उडविल्याची घटना शनिवारी (दि. ३१) सायंकाळी पावणे सहाच्या सुमारास घडली. यात जखमी असलेले सर्वजण एमपीएससीची तयारी करणारे विद्यार्थी असल्याचे निष्पन्न झाले आहे. या अपघातातील जखमींची नावे समोर आली आहेत.
अविनाश दादासो फाळके, प्रथमेश पांडुरंग पतंगे, संदीप सुनील खोपडे, सोनाली सुधाकर घोळवे, मंगेश आत्माराम सुरवसे, अमित अशोक गांधी, समीर श्रीपाद भालचिकर, सोमनाथ केशव मेरूकट, प्रशांत ब्रह्मदेव बंडगर, किशोर हरिभाऊ भापकर, पायल आदेश कुमार दुर्गे, गुलणाज सिराज अहमद अशी जखमी विद्यार्थ्यांची नावे आहेत.