भोसरी, नेहरुनगर, मासूळकर कॉलनीत उत्साहात जुलूस

हजरत महंमद पैगंबर जयंती व ईद-ए-मिलादुन्नबीनिमित्त मुस्लीम बांधवांनी नेहरुनगर, विठ्ठलनगर, बालाजीनगर, मासूळकर कॉलनी, अजमेरा, मोरवाडी, लांडेवाडी, भोसरी परिसरातून जुलूस काढला.

नेहरुनगर : हजरत महंमद पैगंबर जयंती व ईद-ए-मिलादुन्नबीनिमित्त मुस्लीम बांधवांनी नेहरुनगर, विठ्ठलनगर, बालाजीनगर, मासूळकर कॉलनी, अजमेरा, मोरवाडी, लांडेवाडी, भोसरी परिसरातून जुलूस काढला.
नेहरुनगर येथील तवकल्ला जामा मशिदीच्या व बज्मे फजले रसूल यांच्या वतीने माजी राष्ट्रपती डॉ. जाकीर हुसेन या चौकातून जुलूस काढण्यात आला. जुलूसमध्ये मोठ्या संख्येने मुस्लीम बांधव सहभागी
झाले होते. या मिरवणुकीत विविध घोषणा देण्यात आल्या. नागरिकांनी जुलूस पाहण्यासाठी नेहरू चौकात गर्दी केली होती. याचबरोबर मशिदीमध्ये लहान मुलांनी धार्मिक प्रवचन सादर केले. या मुलांना
बज्मे फजले रसूल यांच्या वतीने मुलांना नवीन पोशाख व खाऊवाटप झाले. मशिदीमध्ये मौलाना अब्दुल कलाम यांनी ईद-ए-मिलादचे महत्त्व सांगून नागरिकांच्या सुखसमृद्धीसाठी प्रार्थना केली.
डॉ. जाकीर हुसेन चौकातील कार्यक्रमाला नगरसेवक राहुल भोसले, तवकल्ला जामा मशिदीचे अध्यक्ष नजीर तराजगार, मजीद दळवी, हाजी रशीद पीरजादे, शफिक शेख, बरकत शेख, कादर नाईक, दस्तगीर तराजगार उपस्थित होते. मुनाफ तराजगार, इरफान देशनुर, अयातुल्ला सय्यद, जावेद पठाण, रज्जाक तराजगार, सलीम शेख, शाहिद सिद्दिकी, फयाज तराजगार, न्याजू शिखलकर, शकील शेख आदींनी आयोजन केले होते.
विठ्ठलनगर येथील यंग बॉईज जुलूस कमिटीच्या वतीने जुलूस काढण्यात आला होता. काबा शरीफची प्रतिकृती तयार करण्यात आली होती. सहभागी अनेक मुस्लीम बांधवांनी ‘बारवीह का चाँद आया... सोना आया...’ या गीतांवर आनंदोत्सव साजरा केला. आयोजन ए. बी. शेख, संस्थापक जाकीर शेख, अध्यक्ष शाहरुख पठाण, आसिफ इनामदार, सद्दाम शेख आदींनी केले.
बज्मे पंजेतनने धार्मिक प्रश्नावर स्पर्धेचे आयोजन केले होते. प्रथम क्रमांक इर्शाद शेख, द्वितीय मुस्कान इनामदार आणि तृतीय क्रमांक मुस्कान सय्यद यांनी मिळविला. नगरसेवक राहुल भोसले, नगरसेविका शकुंतला बनसोडे यांच्या हस्ते स्मृतिचिन्ह देऊन सन्मानित करण्यात आले. जमील औटी, मेहबूब शेख, मुबीन शेख, आसिफ मुलानी, मुस्लीम शहा,अलफरहान शहा उपस्थित होते. यानंतर जुलूस काढण्यात आला.
नेहरुनगर जुलुस कमिटीच्या वतीने संतोषी माता चौकात स्वागतकमान उभारण्यात आली होती. सरबतचे वाटप करून ईद-ए- मिलादच्या शुभेच्छा देण्यात आल्या. आयोजन शहाबुद्दीन सय्यद हाजी मजर बादशाहा, अली शेख, मेहमूद शेख, गुलजार शेख यांनी केले होते.
मोरवाडी येथील मदरशा या गरीब नवाज मस्जिदच्या वतीनेदेखील जुलुस काढण्यात आला. जुलुस मोरवाडी अजमेरा परिसरातून काढण्यात आला. आयोजन युसूफ पठाण, अन्वर पठाण, इलाही शेख, नाजिर शेख, रशिद सय्यद, याकूब सय्यद यांनी केले होते.
लांडेवाडी येथील दारूल उलूम अशरफीयाच्या वतीने मदीना मस्जिदची प्रतिकृती तयार केली होती. भोसरी येथील अंजुमने सैफुल इस्लाम मस्जिदच्या वतीने जुलुस काढण्यात आला होता. सर्व जुलुस नेहरुनगर, मासूळकर कॉलनी, अजमेरा, मोरवाडीमार्गे काढण्यात आले. जुलुस पाहण्यासाठी नागरिकांनी मोठी गर्दी केली होती. (वार्ताहर)