पीएमआरडीए आराखडा शेतकऱ्यांच्यावर अन्याय करणारा : भेगडे

विकास आराखड्यातील समस्या व हरकती संदर्भात तळेगाव ढमढेरे येथे जनजागृती मेळावा आयोजित करण्यात आला होता. या वेळी उपस्थित नागरिक व शेतकऱ्यांना मार्गदर्शन करताना माजी मंत्री बाळाभाऊ भेगडे बोलत होते.

विशेषता नदीकडेच्या गावात पूररेषा थेट गावात दाखवल्याने वर्षानुवर्षे राहणाऱ्या अनेक लोकांची घरे बाधित होत आहेत. तसेच या आराखड्यातील तरतुदींची माहिती देऊन हरकत कशी नोंदवायची, त्याची पद्धत काय याविषयी या वेळी जनजागृती करण्यात आली.

शेतकऱ्यांच्या अनुत्तरित प्रश्नांना वाचा फोडण्याचे काम भारतीय जनता पार्टीतर्फे करण्यात येईल, असे माजी मंत्री बाळाभाऊ भेगडे यांनी सांगितले.

या वेळी जिल्हा परिषदेचे माजी अध्यक्ष प्रदीप कंद यांनीही आक्रमक भूमिका घेत पुणे जिल्ह्यातील नऊ तालुक्यांत सात हजार चौरस किलोमीटर झोनिंग झालेले आहे. त्यामुळे अनेक शेतकरी व नागरिकांवर मोठ्या प्रमाणात अन्याय होत असल्याने बाधित शेतकऱ्यांना घेऊन लवकरच पुणे प्रदेश विकास महामंडळ (पीएमआरडीए) यांच्या कार्यालयावर भव्य शेतकरी मोर्चा काढणार असल्याचे सांगितले.

या वेळी जिल्हाध्यक्ष गणेश भेगडे, प्रदेश सचिव शिवाजीराव भुजबळ, श्रीकांत सातपुते यांनी मार्गदर्शन केले.

या मेळाव्यास कामगार आघाडी प्रदेशाध्यक्ष गणेश ताठे, रोहिदास उंद्रे, जिल्हा संघटन सरचिटणीस धर्मेंद्र खांडरे, सरचिटणीस सुदर्शन चौधरी, भाजपाचे तालुकाध्यक्ष दादापाटील फराटे, बाळासाहेब चव्हाण, जिल्हा उपाध्यक्ष भगवान शेळके, सचिव राजेंद्र ढमढेरे, कैलास सोनवणे, जिल्हा कामगार आघाडी अध्यक्ष जयेश शिंदे, उपाध्यक्ष संदीप ढमढेरे, श्रीकांत सातपुते, पंडित भुजबळ, रोहित खैरे, सूरज चव्हाण, तुळसीराम दुंडे, माऊली बहिरट,रवींद्र दोरगे आदी मान्यवर उपस्थित होते. भाजपाचे तालुकाध्यक्ष दादापाटील फराटे यांनी प्रास्ताविक केले. सूत्रसंचालन रघुनंदन गवारे यांनी केले. आभार नवनाथ भुजबळ यांनी मानले.

(फोटो ओळ : तळेगाव ढमढेरे येथे आयोजित जनजागृती मेळाव्याला मार्गदर्शन करताना माजी मंत्री बाळाभाऊ भेगडे)

310821\img_20210830_170753.jpg

तळेगाव ढमढेरे येथे जनजागृती मेळाव्याला मार्गदर्शन करताना माजी मंत्री बाळाभाऊ भेगडे