कांदा, बटाट्याच्या भावात घसरण सुरूच

ओतूर : ओतूर येथे गुरुवारी बाजारच्या निमित्ताने जुना व नवीन एकूण ७ हजार ७३७ कांदा पिशव्यांची आवक होऊन भावातही घसरण होत आहे. नवीन कांदा नं. १ (गोळा) प्रतवारीनुसार १० किलोस २६० ते ३०० रुपये बाजारभाव मिळाला, अशी माहिती जुन्नर कृषी उत्पन्न बाजार समितीचे सभापती अँड. संजय काळे व उपसभापती दिलीप डुंबरे यांनी दिली.

गुरुवारी नवीन कांदा प्रतवारीनुसार १० किलोस मिळालेले बाजारभाव खालीलप्रमाणे : कांदा नं. १ (गोळा) २६० ते ३०० रुपये. कांदा नं. २ : १८० ते २६० रुपये, कांदा नं ३ (गोल्टा) १२० ते १८० रुपये, कांदा नं ४ (बदला ४० ते १२० रुपये)

जुना कांदा १० किलोचे बाजारभाव प्रतवारीनुसार ५० ते २६० रुपये.

बटाटा बाजारभाव : बाजारच्या निमित्ताने गुरुवारी १२९ बटाटा पिशव्यांची आवक होऊन १० किलोस ५० रुपये ते १४० रुपये, असा भाव मिळाला, अशी माहिती ओतूर मार्केटचे कार्यालयप्रमुख दीपक मस्करे यांनी दिली.