एकतर्फी प्रेमातून तरुणीवर हल्ला

कामावर निघालेल्या तरुणीवर एकतर्फी प्रेमातून कुऱ्हाडीने प्राणघातक हल्ला करणाऱ्या चौघांना फरासखाना पोलिसांनी गजाआड केले. या तरुणीवर एकतर्फी प्रेम करणाऱ्या

पुणे : कामावर निघालेल्या तरुणीवर एकतर्फी प्रेमातून कुऱ्हाडीने प्राणघातक हल्ला करणाऱ्या चौघांना फरासखाना पोलिसांनी गजाआड केले. या तरुणीवर एकतर्फी प्रेम करणाऱ्या तरुणानेच या आरोपींना एक लाख रुपयांची सुपारी दिल्याचे तपासात निष्पन्न झाले आहे.
संतोष मारुती जाधव (वय २८, रा. तोरणा अपार्टमेंट, बालाजीनगर), प्रभू आकाश पालकर (वय २३, रा. गोरक्षनाथ मठ, तळजाई मंदिरासमोर, पद्मावती), सोमनाथ दिनकर जाधव (वय २९, रा. मणेरवाडी, खानापूर), सनी ऊर्फ लक्ष्मीकांत मनोहर क्षीरसागर (वय २९, रा. राममंदिराजवळ, जनता वसाहत) अशी आरोपींची नावे आहेत. याप्रकरणी धनकवडीमध्ये राहणाऱ्या तरुणीने विश्रामबाग पोलीस ठाण्यात फिर्याद दिली आहे. वरिष्ठ निरीक्षक रेखा साळुंखे यांनी दिलेल्या माहितीनुसार, ही तरुणी एका नामांकित कंपनीमध्ये उच्च पदावर नोकरी करते. शुक्रवारी सकाळी साडेनऊच्या सुमारास ही तरुणी दुचाकीवरून कामावर जात असताना राजेंद्रनगर येथील सचिन तेंडुलकर उद्यानासमोर तिच्यावर हल्ला झाला. दरम्यान, फरासखाना पोलीस ठाण्याचे पोलीस कर्मचारी रमेश चौधर यांना आरोपींनी वापरलेल्या दुचाकीबाबत माहिती मिळाली. त्यानुसार दुचाकी मालकाला गाठल्यावर आरोपींपर्यंत पोचण्यास मदत झाली. सनी ऊर्फ लक्ष्मीकांत याचे पीडित तरुणीवर एकतर्फी प्रेम होते. त्याने तिच्या मागे लग्नाचा तगादा लावला होता.