‘स्मार्ट सिटी’साठी महापालिकेचा ‘नॅसकॉम’शी करार

संगणकीय तंत्रज्ञान क्षेत्रातील विविध कंपन्यांची संघटना असलेल्या नॅसकॉम बरोबर महापालिकेने ‘स्मार्ट सिटी’ संदर्भातील तंत्रज्ञानविषयक मार्गदर्शनासाठी सामंजस्य करार केला

पुणे : संगणकीय तंत्रज्ञान क्षेत्रातील विविध कंपन्यांची संघटना असलेल्या नॅसकॉम बरोबर महापालिकेने ‘स्मार्ट सिटी’
संदर्भातील तंत्रज्ञानविषयक मार्गदर्शनासाठी सामंजस्य करार केला. ‘आयसीटी सोल्युशन्स व आधुनिक संगणकीय तंत्रज्ञान’ याबाबत ‘स्मार्ट सिटी’मध्ये येणाऱ्या प्रश्नांसाठी नॅसकॉम महापालिकेला सहकार्य करणार आहे.
महापालिका आयुक्त कुणाल कुमार व नॅसकॉमचे वरिष्ठ संचालक मनोजित बोस या वेळी उपस्थित होते. प्रामुख्याने स्मार्ट सिटी अंतर्गत शहर विकासकामांबाबत येणाऱ्या अडचणींमध्ये नॅसकॉम महापालिकेला तंत्रज्ञानविषयक सहकार्य करेल. (प्रतिनिधी)