पुणे : रामराज्य प्रस्थापित व्हावे अाणि राम मंदिर लवकरात लवकर पूर्णत्वास यावे यासाठी राष्ट्रीय स्वयंसेवक संघाचे सरसंघचालक यांनी पुण्यातील दगडूशेठ हलवाई गणपतीला अभिषेक करुन साकडे घातले. दगडूशेठ गणपती मंदिरात येण्याची खूप दिवसांपासूनची इच्छा हाेती असे सांगत गणरायाकडे जे मागितले, ते त्यालाच माहित अाहे, अशी मिश्किल टिप्पणीही त्यांनी यावेळी केली.
श्रीमंत दगडूशेठ हलवाई गणपती मंदिराला माेहन भागवत यांनी सदिच्छा भेट देऊन गणरायाची अारती अाणि अभिषेक केला. यावेळी ट्रस्टचे अध्यक्ष अशाेक गाेडसे, हेमंत रासने, महेश सुर्यवंशी, सुनिल रासने अादी उपस्थित हाेते. सकाळी 10 वाजता भागवत हे मंदिरात दाखल झाले. मंदिरातील सभामंडपात सुरु असलेल्या अभिषेकादरम्यान त्यांनी गणरायाकडे सर्वसामान्यांना सुख, शांती, समृद्धी लाभाे अशी प्रार्थना केली. तसेच राम मंदिर लवकरात लवकर पूर्ण व्हावे असे साकडेही गणरायाकडे घातले. भागवत यांना स्मृतीचिन्ह देऊन ट्रस्टतर्फे सन्मानित करण्यात अाले. ट्रस्टचे पदाधिकारी व कार्यकर्ते यांच्यासाेबत गणपती सदन या ट्रस्टच्या इमारतीला भेट देऊन ट्रस्टच्या सामाजिक उपक्रमांची माहितीही भागवत यांनी घेतली.