मांडवगण फराटा पोलिसांनी दिलेल्या माहितीनुसार, रात्री दत्तात्रय महादेव बोरकर हे ट्रॅक्टर (क्रमांक एम एच १२-एन ८९१६)ने ऊस वाहतूक करीत होते. वडगाव रासाई बाजूकडून नागरगावच्या ट्रॅक्टर जात होता. याच वेळी दुधाचा टँकर (क्रमांक एम एच ४२ टी-०५००) वडगाव रासाईच्या दिशेने जात होता. यावेळी दोन्ही वाहनांची समोरासमोर धडक झाली. यात ट्रॅक्टर चालक बोरकर हे गंभीर जखमी झाले आहेत. तर दुध टँकर चालक अंधारचा फायदा घेऊन पसार झाला आहे. पोलिसांनी सदर घटनेचा पंचनामा करुन गुन्हा दाखल केला आहे. हा अपघात एवढा भीषण होता की ट्रॅक्टर पुर्णपणे चक्काचूर झाला आहे
पुढील तपास पोलीस निरीक्षक प्रवीण खानापुरे यांच्या मार्गदर्शनाखाली पोलीस उपनिरीक्षक गणेश जगदाळे, पोलीस नाईक, राहुल भागवत, आगलावे, होमगार्ड धर्मा खराडे, विनोद शिंदे हे करीत आहेत