पुणे : पावसाने विश्रांती घेतल्याने रविवारी घाऊक बाजारात भाज्यांची मोठी आवक झाली. मात्र, काही भाज्या वगळता बहुतेक भाज्यांचे भाव उतरले. कांदा. भेंडी, गवार, ढोबळी मिरची, तोंडली या फळभाज्यांचे भाव वाढले आहेत. तर पालेभाज्यांचे भाव स्थिर राहिले.गुलटेकडी येथील मार्केटयार्डात रविवारी १८० ते १९० ट्रक शेतमालाची आवक झाली. मागील आठवड्याच्या तुलनेत ही आवक १० गाड्यांनी वाढली. मागील आठवड्याच्या तुलनेत रविवारी कांद्याच्या भावात प्रति दहा किलोमागे ६० रुपयांनी वाढ झाली. परराज्यातून मागणी वाढल्याने कांद्याचे भाव सध्या तेजीत आहेत. गवार, भेंडी व ढोबळी मिरचीच्या भावात ४० ते ६० रुपयांनी तर तोंडल्याच्या भावात ९० रुपयांनी वाढ झाली. टोमॅटो, घेवडा व हिरवी मिरचीच्या भावात ४० ते ५० रुपयांनी घट झाली. भुईमुग शेंगला मागणी वाढल्याने भावात १०० रुपयांनी वाढ झाली. तर मटारची मुबलक आवक झाल्याने भाव ५०० रुपयांनी उतरले. पालेभाज्यांमध्ये आवक मुबलाक होत असल्याने बहुतेक भाज्यांचे भाव स्थिर राहिले. मागील आठवड्याच्या तुलनेत कोथिंबीर, चाकवत, करडई व चुका या भाज्यांचे भाव शेकडा जुडीमागे १०० रुपयांनी वाढले. तर मेथी, शेपू, अंबाडी व मुळ््याच्या भावात १०० रुपयांची घट झाली.रविवारी घाऊक बाजारात परराज्यातून बेळगाव, हुबळी, धारवाड येथून सुमारे १ हजार गोणी मटार, कर्नाटकातून ६ ते ७ ट्रक कोबी, इंदौर येथून ५ त ६ टेम्पो गाजर, कर्नाटक व मध्य प्रदेशातून १० ते १२ टेम्पो हिरवी मिरची, आंध्रप्रदेश व तामिळनाडू येथून ४ ते ५ टेम्पो शेवगा, मध्य प्रदेशातून ३ ते ३.५ हजार गोणी लसणाची आवक झाली. तसेच गुजरात, आंध्रप्रदेश व इंदौर येथून ३० ते ४० ट्रक बटाट्याची आवक झाली. स्थानिक भागातून पारनेर येथून १५० गोणी मटार, ४ ते ५ टेम्पो हिरवी मिरची, ४५० गोणी सातारी आले, ५ ते ५.५ हजार पेटी टोमॅटो, १८ ते २० टेम्पो फ्लॉवर, १० ते १२ टेम्पो कोबी, १० ते १२ टेम्पो सिमला मिरची, २५० ते ३०० गोणी भुईमुग शेंग व ८ ते १० टेम्पो तांबडा भोपळ््याची आवक झाली.फळभाज्यांचे १० किलोचे दर :कांदा : २७०-३००, बटाटा ६०-११०, लसूण : ४००-८००, आले : सातारी : ३५०, बंगलोर २५०, भेंडी : १६०-२००, गवार : गावरान व सुरती २००-२५०, टोमॅटो : १००-१४०, दोडका : १६०-२५०, हिरवी मिरची : १६०-२५०, दुधी भोपळा : ४०-८०, चवळी :१००-१४०, काकडी : १२०-१८०, कारली : हिरवी : २००-२५०, पांढरी : १६०-१७०, पापडी : १००-१२०, पडवळ : २४०-२५०, फ्लॉवर : ५०-७०, कोबी : ८०-१२०, वांगी : ८०-१२०, डिंगरी : १२०-१४०, नवलकोल : १४०-१५०, ढोबळी मिरची : १८०-२२०, तोंडली : कळी : २४०-२५०, जाड : १००-११०, शेवगा : ३००-३५०, गाजर : १४०-१८०, वालवर : २००-२४०, बीट : १६०-२००, घेवडा : २००-३००, आर्वी : २००-२५०, घोसावळे : १६०-१८०, ढेमसे : १६०-१८०, भुईमुग शेंग ३५०-४५०, मटार : स्थानिक व परराज्य ५००-६००, पावटा : १६०-२००, तांबडा भोपळा : ४०-८०, चिंच : अखंड १३०-१४०, फोडलेली ४००-५००, नारळ : १०००-१२००, मका कणीस (शेकडा) : २००-३००. पालेभाज्यांचे शेकड्यातील दर : कोथिंबीर २००-६००, मेथी ४००-७००, शेपू २००-४००, कांदापात ८००-१२००, चाकवत ५००-६००, करडई ४००-५००, पुदिना ३००-४००, अंबाडी ३००-४००, मुळे ८००-१०००, राजगिरा ३००-४००, चुका ५००-६००, चवळई ३००-४००, पालक ३००-५००.
कांदा, भेंडी, गवारच्या भावात वाढ
By admin | Updated: July 27, 2015 03:41 IST