पुणे :पुणे महापालिकेच्या बांधकाम विकास विभागाच्या वतीने येवलेवाडीमधील सर्व्हे नंबर ३० मधील हिल टॉप हिल स्लोप क्षेत्रामधील ४३ हजार चौरस फूट क्षेत्रावरील बांधकामावर कारवाई करण्यात आली.
येवलेवाडी मुख्य रस्त्यावरील अनधिकृत पत्रा शेड दोन हजार चौरस् फूट क्षेत्रावर कारवाई करण्यात आली. या कारवाईसाठी दोन जेसीबी गॅस कटर व अतिक्रमण विभागाकडील ९ बिगारी इत्यादी सामुग्रीच्या साहाय्याने ही कारवाई करण्यात आली. अधीक्षक अभियंता युवराज देशमुख ,कार्यकारी अभियंता हेमंत मोरे, उपअभियंता राजेश खाडे , उपअभियंता विजय कुमावत , इमारत निरीक्षक उमेश गोडगे, विक्रम क्षीरसागर, आरेखक सुरेखा बनसोडे उपस्थित होते. तसेच अतिक्रमण विभागाचे पोलिस उप निरीक्षक झांजरे यांच्यासह अतिक्रमण विभागाकडील पोलिस कर्मचारी यांचे पथक उपस्थित होते.