काठापूर बुद्रुक येथील वनक्षेत्रास आग

आंबेगाव तालुक्याच्या पूर्व भागातील काठापूर बुद्रुक येथील गावाच्या दक्षिणेकडील डोंगराच्या कडेला वनविभागाची दोन वनक्षेत्र असून पश्चिम बाजूकडील वनक्षेत्रास अचानक आग लागली. आगीची माहिती मिळताच वनरक्षक एस.एन.अनासुने व स्थानिक ग्रामस्थ जमा झाले. ही माहिती ग्रामसुरक्षा यंत्रणेच्या माध्यमातून उपसरपंच विशाल करंडे यांनी सर्वत्र प्रसारित केली. त्यानंतर ग्रामसुरक्षा यंत्रणेच्या माध्यमातून गावातील अनेक ग्रामस्थांना ही माहिती मिळाली. त्यानंतर ग्रामस्थांनी मोठ्या संख्येने या ठिकाणी जमा होऊन आग विझविण्याचा प्रयत्न केला.यावेळी जमलेल्या 40 ते 50 ग्रामस्थांनी आग आटोक्यात आणली.यावेळी काठापूर बुद्रुक व कापडरा परिसरातील ग्रामस्थ आग विझवण्यासाठी प्रयत्न करत होते. वनरक्षक एस.एन.अनासुने,वनकर्मचारी अशोक जाधव,उपसरपंच विशाल करंडे,अनिल जाधव,पोलीस पाटील अमोल करंडे,सोमनाथ जाधव,संतोष जाधव,पप्पू खुडे, बंटी जाधव यासह अनेक ग्रामस्थ प्रयत्न करत होते.