आंबेगाव तालुक्यात आठ केंद्र

आंबेगाव तालुक्यात पदवीधर मतदारांची संख्या १९०२ व शिक्षक मतदारांची संख्या ७४५ आहे. केंद्रनिहाय ४ पदवीधर व ४ शिक्षक निवडणूक मतदान केंद्र आहेत. यामध्ये जिल्हा परिषद प्राथमिक शाळा डिंभे खुर्द येथे पदवीधर मतदारसंख्या १४९, शिक्षक मतदारसंख्या ८८ आहे. जनता विद्या मंदिर घोडेगाव येथे पदवीधर मतदार संख्या ४१८ ,शिक्षक मतदार संख्या २२३ आहे. महात्मा गांधी विद्यालय मंचर येथे पदवीधर मतदार संख्या ८५१ व जिल्हा परिषद प्राथमिक शाळा मंचर येथे शिक्षक मतदार संख्या ३०४ आहे. जिल्हा परिषद प्राथमिक शाळा पारगाव तर्फे अवसरी बुद्रुक येथे पदवीधर मतदारसंख्या ४८४ तर शिक्षक मतदार संख्या १३० आहे. मंगळवार दिनांक १ डिसेंबर रोजी सकाळी ८ ते सायंकाळी ५ वाजेपर्यंत मतदान होणार असून मतमोजणी ३ डिसेंबर रोजी बालेवाडी क्रीडा संकुल म्हाळुंगे पुणे येथे होणार आहे.

आंबेगाव तालुक्यात मतदार जनजागृती करण्यासाठी तहसील कार्यालयात स्वीप कक्षाची स्थापना करण्यात आलेली असून त्याद्वारे आंबेगाव तालुक्यात तहसिलदार रमा जोशी यांच्या मार्गदर्शनाखाली मतदार जनजागृती अभियान प्रभावीपणे राबवून नोंदणी केलेल्या सर्व मतदारांना मतदान करण्याचे आवाहन मतदार जनजागृती पथक सदस्य सचिन तोडकर, काशिनाथ घोंगडे, विजय घिसे, राहुल रहाटाडे, मंगेश जावळे, अशोक लोखंडे,संदीप बोंबले यांच्या वतीने करण्यात येत आहे अशी माहिती मतदार जनजागृती पथक प्रमुख सुनील भेके यांनी दिली.