दिवसभरात ४२३ कोरोना रुग्ण झाले बरे

लोकमत न्यूज नेटवर्क

पुणे : शहरातील कोरोनाबाधित रुग्णांमध्ये शनिवारी दिवसभरात ३५१ रूग्णांची वाढ झाली. दिवसभरात बरे झालेल्या ४२३ रुग्णांना घरी सोडण्यात आले आहे. विविध रुग्णालयातील ४२५ रुग्ण अत्यवस्थ असून दिवसभरात एकूण ४ रुग्णांचा मृत्यू झाला आहे. तर, प्रत्यक्षात सक्रिय रुग्णसंख्या ५ हजार ३०४ झाली आहे.

उपचार घेत असलेल्या रुग्णांपैकी ४२५ जणांची प्रकृती चिंताजनक आहे. यातील २५० रुग्ण व्हेंटिलेटरवर असून १७५ रुग्ण आयसीयूत उपचार घेत आहेत. तर, १ हजार १४२ रुग्ण ऑक्सिजनवर आहेत. दिवसभरात ४ मृतांची नोंद करण्यात आली आहे. कोरोनामुळे मृत्यू झालेल्यांची एकूण संख्या ४ हजार ४८६ झाली आहे. पुण्याबाहेरील ६ मृत्यूची नोंद करण्यात आली.

दिवसभरात एकूण ४२३ रुग्ण आजारातून बरे झाल्याने घरी सोडण्यात आले आहेत. आजारातून बरे झालेल्यांची एकूण संख्या १ लाख ६१ हजार ९७९ झाली आहे. तर, एकूण रुग्णसंख्या १ लाख ७१ हजार ७६९ झाली आहे. सक्रिय रूग्णांची संख्या ५ हजार ३०४ झाली आहे.

-----

दिवसभरात विविध केंद्रांवर एकूण ३ हजार ७३६ नागरिकांची स्वाब तपासणी करण्यात आली असून आतापर्यंत ८ लाख ३७ हजार ४६६ रूग्णांची तपासणी करण्यात आली आहे.