ऊसतोड कामगारांना किराणा किटचे वाटप

येथील स्वर्गीय एकनाथ काका जगताप प्रतिष्ठान यांच्या वतीने व रॉबिनहूड आर्मी यांच्या सहकार्याने १४० किराणा किटचे वाटप करण्यात आले. यामध्ये सासवड येथे ४८, बोपगाव ३०, खळदपाटी येथे २८ आणि कडबान (वीर पाटी) येथील ३४ ऊसतोडणी कामगारांना वाटप करण्यात आले.

महिनाभराचे पुरेल एवढे किराणा साहित्य, दोन ब्लॅंकेट, दोन स्वेटर व दोन साड्या असे हे किट १४० लोकांना देण्यात आले. प्रतिष्ठानने लॉकडाऊन काळात ५६९ किटचे वाटप केले होते. त्यानंतर गत महिन्यात वीर, परिंचे, माहूर भागामध्ये सुद्धा १५० किट वाटप केले. प्रतिष्ठानमार्फत मुलांना शाळेत सायकल वाटप, शालेय साहित्य वाटप, दिवाळीत आकाशकंदील बनवणे, नेत्रतपासणी शिबिर, तालुक्यातील विविध क्षेत्रात कार्य करणाऱ्या व्यक्तीला पुरस्कार वितरण असे विविध कार्यक्रम वर्षभर राबवण्यात येतात.

ऊसतोडणी कामगारांना किराणा किटचे वाटप करताना प्रतिष्ठानचे अध्यक्ष संतोष जगताप

०४ सासवड वाटप