संत सोपानकाका महाराजांच्या पादुकांचे बसने पंढरीला प्रस्थान

संत सोपानदेव मंदिरात नित्यनियमाप्रमाणे पहाटे ४ वाजता काकडा आरती करून समाधीस महाभिषेक घालण्यात आला. समाजआरती करण्यात येऊन ६ जुलैला चलपादुकांचा प्रस्थान सोहळा पार पडल्यानंतर कोरोनाच्या पार्श्वभूमीवर पालखी सोहळा मंदिरातच विसावला होता. तर पालखी कालावधीतील नित्यनियम मंदिरात सुरू ठेवण्यात आले होते. शासनाच्या आदेशानुसार केवळ ४० लोकच पादुका घेऊन पंढरपूरकडे जाणार असल्याने त्या दृष्टीने देवस्थानच्या वतीने तयारी करण्यात आली होती. पालखीचा मार्ग सासवड, नीरा, बारामती, लासुर्णे,अकलूज,भंडी-शेगाव, वाखरी (पंढरपूर) असा एकूण १८० कि.मीचा प्रवास असणार आहे.

पालखी प्रस्थान सोहळ्याप्रसंगी पुरंदरचे आमदार संजय जगताप, प्रांताधिकारी प्रमोद गायकवाड, तहसीलदार रूपाली सरनोबत, नायब तहसीलदार सूर्यकांत पठाडे,गटविकास अधिकारी अमर माने, पोलिस निरिक्षक आण्णा साहेब घोलप, एसटी डेपो मॅनेजर मनीषा इनामके, पालखी सोहळाप्रमुख त्रिगुण गोसावी, विश्वस्त श्रीकांत गोसावी, हिरूकाका गोसावी, वामनतात्या जगताप, संजय चव्हाण व इतर मान्यवर उपस्थित होते.

फोटो :