सीबाची कामगिरीने गुन्हेगार हैराण

शिरुर : महिलेचे डोळे काढून तिचा विनयभंग करण्याची करण्याच्या शिरुर मधील घटनेने खळबळ उडाली होती. त्यातील प्रमुख आरोपींचा मागमूस काढत पोलिसांना त्यांच्यापर्यंत पोचविण्यात सिबाचा वाटा सिंहाचा ठरला. इतकेच नव्हे तर पुण्यातील अनेक दरोडे, खुन, घरफोड्यासारख्या अनेक गुन्हयांचा तपासासात गुन्हेगारांचे धागेदोरे शोधण्यात सिबाने चोख कामगिरी बजाविली. त्यामुळेच पोलिसांची ही सीबा सध्या पोलिस दलातील स्टार ठरली आहे. ही सीबा म्हणजे ना कोणी आयपीएस अधिकारी आहे ना कोणत्या पोलिस विभागातील कर्मचारी , तर सीबा ही पुणे पोलिसांच्या श्वान पथकातील डाॅबरमॅन जातीची अत्यंत हुशार श्वान आहे.

सीबाची हुंगण्याची व माग काढण्याची क्षमता खूपच चांगली असल्याने सध्या तीची पोलिस दलात जोरदार चर्चा सुरु आहे. तिचे प्रशिक्षक प्रशिक्षक पोलीस नाईक गणेश फापाळे यांनी तिच्याबदद्ल लोकमतला माहिती दिली. ते म्हणाले की, अंत्यत हुशार, चपळ अन गुन्हेगराचा माग काढण्यात तरबेज असलेल्या श्वान सिबा ही डॉबरमन जातीचे १वर्ष आठ महिनेचे श्वान एक वर्षेचे प्रशिक्षण घेतल्यानंतर पुणे ग्रामीण जिल्हा पोलीसाच्या श्वानपथकात दाखल झाली. गेल्या तीन महिन्यात या श्वानाने गंभीर गुन्हेयामध्ये गुन्हेगारचा माग शोधण्यात पोलीसना महत्त्वाची मदत केली.

सिबचा जन्म ५ जानेवारी २०१९ साली झाला ४५ दिवसाचं पिल्लू असताना या श्वानाला पोलीस दलात सोपवले गेले श्वानपथकाचे प्रमुख पोलीस नाईक गणेश फापाळे व पोलीस शिपाई बाबासाहेब चौधरी यांनी तिचे सहा महिने संगोपन केले त्यानंतर सुमारे वर्षभराचे प्रशिक्षणसाठी राज्य गुन्हे अन्वेषण विभागाचं सीआयडी श्वानप्रशिक्षण केंद्र शिवाजीनगर येथे पाठवण्यात आले. प्रशिक्षण कालावधीमध्ये तिने प्रत्येक परीक्षेत चणूक दाखवली तसेच १७ वा महाराष्ट्र राज्य पोलीस कर्तव्य मेळावा २०१९ मध्ये ट्रेनिंग कालावधीमध्ये ट्रनिग सेंटर मधून श्वान सिबाची प्रात्यक्षिक डेमोसाठी निवड करण्यात आली तिने कर्तव्य मेळाव्यामध्ये पोलीस महासंचालक महाराष्ट्र यांच्यासमोर उत्कृष्ट पद्धतीने प्रात्यक्षिक करून दाखवले व या मेळ्यावमध्ये अपर पोलीस महासंचालक सीआयडी यांच्याकडून बक्षीसही पटकाविले. प्रशिक्षण कालावधीमध्ये ती अतिशय चाणाक्ष श्वान म्हणून ओळखले जाऊ लागले ट्रेनिंग सेंटर येथील पोलीस उपअधिक्षक नितीन लांडगे व पोलीस हवालदार जाकीर शेख यांच्या मार्गदर्शनाखाली सिबा हिस प्रशिक्षण देण्यात आले .

दि. २९ जुलै २०२०मध्ये सिबा हिचे अंतिम परीक्षेमध्ये चांगले गुण मिळवून ती पुणे ग्रामीण स्थानिक गुन्हे अन्वेषण विभागातील श्वानपथकात दाखल झाली. पुणे जिल्हा मोठा असल्याने खून, दरोडा, घरफोड्याचे तापसकामी श्वानपथक हे महत्त्वाचे काम करत अया तीन महिनेच्या कालावधी श्वान सिबा हिने हवेली येथिल एक खुनाच्या ठिकाणी चप्पलेचा माग वरून गुन्हेगारांचे घरचा मार्ग दाखवला.तसेच भिगवण येथे रोडरोबरी झाली असताना एका छोट्याशा कापडयाच्या फडक्यावरून फियादीच्या बॅगा व मोबाईल शोधून काढले व पुढे तीन किलोमीटर मार्ग काढला.तसेच शिरूर येथील गंभीर गुन्हयामध्ये देखिल श्वानाने चार ते पाच किलोमीटर मार्ग काढला . हे श्वान पथक स्थानीक गुन्हे अन्वेषण विभागामध्ये कार्यरत आहे.

--

राणीची जागा घेतली सीबाने

पोलीस अधीक्षक अभिनव देशमुख यांच्या मार्गदर्शनाखाली व पोलीस निरीक्षक पदमाकर घनवट व पोलीस उपनिरीक्षक रामेश्वर धोंडगे यांच्या देखरेखीखाली श्वानपथकाचे काम चालते. यापूर्वी देखील श्वान राणी हिने २० गंभीर गुन्हे उघडकीस आणले होते आणि श्वान राणीच्या जागेवरती आता श्वान सिबा ही देखील गुन्हा उघडकीस आणयास पोलीसाना मदत करत आहे.