Corona virus : खेड तालुक्यात कोरोनाचा पहिला बळी; ५८ वर्षीय व्यक्तीचा मृत्यू

कोरोना बाधित रुग्ण पिंपरी येथील यशवंतराव चव्हाण रुग्णालयात १२ दिवसांपासून उपचार घेत होता.

राजगुरूनगर : वडगाव पाटोळे (ता खेड ) येथील कोरोना बाधित ज्येष्ठ नागरिकांचा पिंपरी ( पुणे ) येथे उपचारादरम्यान मृत्यू झाला आहे.राजगुरूनगर लगत (वडगाव पाटोळे), ता खेड  येथील ५८ वर्षीय जेष्ठ नागरिक व त्यांची पत्नी, मुलगी व जावई व जावई यांची आई (दि १६ ) मे रोजी मुंबईहुन एका खासगी गाडीने आले होते.पती व पत्नी वडगाव येथे राहिले, मुलगी व जावई, आई  हे कुरकुंडी (ता. खेड ) येथे राहिले होते. यांच्या संपर्कात आलेला खासगी गाडीचा चालकही संपर्कात आल्याने या सर्व जणांना कोरोनाची बाधा झाली होती. या सर्व रुग्णांचा उपचारासाठी पिंपरी ( पुणे )येथे दाखल करण्यात आले होते. यातील एक वडगाव पाटोळे येथील कोरोना बाधित रुग्ण पिंपरी येथील यशवंतराव चव्हाण रुग्णालयात १२ दिवसांपासून उपचार घेत होता.त्याचा रात्री उपचारादारम्यान मृत्यू झाला आहे. खेड तालुक्यातील करोनामुळे हा पहिला बळी आहे. तालुक्यात करोना पॉझिटिव्हचे एकूण २८ रुग्ण झाले होते त्यापैकी राक्षेवाडी येथील ५ जण बरे होऊन घरी आले आहेत तर वडगाव पाटोळे येथील रुग्णाचा उपचारादरम्यान मृत्यू झाला. उर्वरित २२ जणांवर पुणे येथे उपचार सुरू आहेत. सर्व रुग्ण उपचाराला प्रतिसाद देत असल्याची माहिती तालुका वैद्यकीय अधिकारी डॉ  बळीराम गाढवे यांनी दिली..