पुणे: महापालिका क्षेत्रात आज २ हजार ११० नवीन कोरोना रुग्णांचे निदान झाले आहे. दिलासादायक बाब म्हणजे आज पुणे शहरात दिवसभरात ३ हजार ३७४ जणांनी कोरोनावर मात केली आहे. सध्या शहरात २० हजार ७५२ सक्रिय रुग्ण आहेत. आज शहरात १४ करोनाबाधीत रुग्णांचा मृत्यू झाला आहे. त्यामध्ये पुण्याबाहेरील ४ रुग्णांचा समावेळ आहे.
सध्या शहरात २६३ रुग्ण ॲाक्सिजनवर उपचार सुरू आहेत. तसेच इनव्हॅजिव्ह व्हेंटिलेटर ४८ आणि नॅान इनव्हॅजिव्ह व्हेंटिलेटर २२ रुग्ण आहेत. आतापर्यंत पुण्यात एकूण पॉजिटिव्ह आलेल्या रुग्णांची संख्या ६ लाख ४८ हजार ५९२ वर गेली आहे. शहरातील आतापर्यंतच्या एकूण मृत्यूचा आकडा ९ हजार २८० झाला आहे. शहरात आतापर्यंत ६ लाख १८ हजार ५६० रुग्णांना डिस्चार्ज देण्यात आला आहे.