बारामती : डिसेंबर महिन्याच्या सुरुवातीला बलात्कार, ३५ लाख २० हजार रुपयांच्या फसवणुकीसह विविध गुन्हेप्रकरणी अटक करण्यात आलेल्या आरोपीच्याविरोधात आणखी एका महिलेने बलात्कार केल्याची फिर्याद दाखल केली आहे. शनिवारी (दि. १५) बारामती ग्रामीण पोलीस ठाण्यात दाखल केलेल्या फिर्यादीवरून आरोपीवर पुन्हा दुसऱ्या प्रकरणात गुन्हा दाखल झाला आहे.
पोलीस सूत्रांनी दिलेल्या माहितीनुसार, याप्रकरणी पीडित महिलेने फिर्याद दिली आहे. त्यानुसार २७ आॅक्टोबर २०१४ ते मे २०१८ दरम्यान आरोपी मच्छिंद्र शंकर टिंंगरे (रा. झारगडवाडी) फिर्यादी महिलेच्या बारामती एमआयडीसी सूर्यनगरी येथील एका सदनिकेच्या रूममध्ये आला. त्या ठिकाणी त्याने दोन वेळा जबरदस्तीने फिर्यादी महिलेबरोबर शारीरिक संबंध प्रस्थापित केले. तसेच त्याला दिलेल्या चार लाख रुपयांबाबत आर्थिक फसवणूक केली आहे. त्याला दिलेले पैसे मागितले असता ते न देता उलट मी पत्रकार आहे, असे म्हणून वर्तमानपत्रात बातमी देऊन तुझी बदनामी करीन, अशी धमकी देऊन आर्थिक फसवणूक केल्याचे फिर्यादीमध्ये नमूद केले आहे. या प्रकरणी आरोपी टिंगरे याच्याविरोधात तालुका पोलीस ठाण्यात गुन्हा दाखल करण्यात आला आहे.