जेजुरी गडावर रंगपंचमी साजरी

तीर्थक्षेत्र जेजुरी गडावर पुजारी, सेवकवर्ग आणि भाविकांनी रंगपंचमी अत्यंत उत्साहात साजरी केली. दर वर्षी पारंपरिक पद्धतीने पर्यावरणपूरक नैसर्गिक रंग देवाला लावून

जेजुरी : तीर्थक्षेत्र जेजुरी गडावर पुजारी, सेवकवर्ग आणि भाविकांनी रंगपंचमी अत्यंत उत्साहात साजरी केली.
दर वर्षी पारंपरिक पद्धतीने पर्यावरणपूरक नैसर्गिक रंग देवाला लावून रंगपंचमी साजरी करण्यात येते. यंदाही पहाटे देवाची महापूजा करून खंडोबा, म्हाळसादेवी, बाणाई व उत्सवमूर्तींना रंग लावण्यात आले. या वेळी सचिन उपाध्ये गुरुजी, रियाज पानसरे, किरण बारभाई, सदानंद बारभाई, धनंजय आगलावे, बाळासाहेब थोरात, मधुकर खोमणे, पुजारी सेवकवर्ग, भाविक सहभागी झाले होते. (वार्ताहर)