ठळक मुद्देआरोग्यमंत्री यांनी स्वत:च्या जिल्ह्याला मात्र रेमडेसिविर पुरवलं
पुणे: पुणे भाजपकडून रेमडेसिविरच्या उपलब्धतेसाठी आज पुन्हा एकदा आंदोलन करण्यात आलं. जिल्हाधिकारी कार्यालयाबाहेर आज सकाळी हे आंदोलन झाले. महत्वाचे म्हणजे शहरात संचारबंदी लागू असताना भाजपच्या आंदोलनाला १०-१२ कार्यकर्ते नेते उपस्थित होते.
यावेळी बोलताना शहराध्यक्ष जगदीश मुळिक म्हणाले “ राज्य सरकार पुण्याला सापत्न वागणूक देत आहे. आवश्यकता असतानाही पुरेसं रेमडेसिविर पुरवलं जात नाही. दुसरीकडे आरोग्यमंत्री स्वत:च्या जिल्ह्याला मात्र रेमडेसिविर पुरवलं. परिस्थिती बिकट असताना देखील शहराकडे लक्ष न देणाऱ्या सरकारचा निषेध करण्यासाठी आम्ही रस्त्यावर उतरले आहोत.
दरम्यान केंद्र सरकारने याबाबत निर्यात बंदी करायला उशीर केला का ? केंद्राकडे पाठपुरावा करणार का याबाबत विचारले असता मुळिक यांनी हा राज्य सरकारच्याच अखत्यारीतला प्रश्न असल्याचा दावा केला.